Young female British soldier with her head in her hand, with a male hand on her shoulder giving comfort.

(EFE) – Procuraduria Colombiano (Ministerio Publico) a habri un investigacion disciplinario na e hefe di inteligencia militar di Ehercito, e brigadier general Mario Gonzalez Lamprea, pa un supuesto conducta di abuso sexual cu el a eherce pa un teniente cu a retira na november di 2017.

Segun un comunicado di diahuebs ultimo di Ministerio Publico, e decision a ser adopta pa e Sala Disciplinario di Instruccion cu a ordena practica pruebanan cu e obhetivo di “verifica loke a conduci na e comportamento” .

Igualmente, ta busca determina si e actuacion ta constitui un falta disciplinario y pa “aclaria e motibonan determinante y circunstancia di tempo, manera y luga den cual e presunto abuso sexual a tuma luga” e informacion a detaya.

E sub-teniente Jeimy Lizeth Muñoz Cometa diaranson ultimo a conta cu e echonan a tuma luga na november di 2017, ora e coronel a invitel’e na su despacho pa motibo cu Muñoz a mustra preocupacion ora el a kere cu pa via di ta hende muhe nan no tabata dun’e “importancia” pa un funcion.

Segun Muñoz, Gonzalez a sigura pe cu e lo haya su funcion, pero el a cera e porta di e despacho y a cuminsa haci preguntanan pa varios tattoo cu Muñoz tin den su curpa y el a pidi’e pa mustra un cu e tin na su lomba.

Entonces el a pone mi na pia y di manera violento a purba di mira bou e shimis, despues el a mishi cu mi y sunchi mi cu forsa” e hoben cu awor ta retira di Ehercito a bisa y a sigura cu e halto mando a yega di mishi den su parti intimo.

E muhe a sigura cu el a haci e denuncia na Ehercito y Fiscalia contra e awor director di Inteligencia di Ehercito , pero e investigacionnan tin cuatro aña y e no a mira un avance.

Un periodista di nomber Daniel Coronell cu ta esun cu a revela e caso na radio a menciona cu “e investigacion interno disciplinario a resulta inutil; no por espera algo serio paden di e Forsa Militar ora un hende ta mete cu un oficial asina poderoso”.

Ehercito Colombiano pa varios biaha a keda envolvi den polemica. Un di nan tabata na 2020 pa spionahe ilegal y corupcion, igual cu pa abuso sexual na muchanan menor di edad, specialmente e violacion di un mucha muhe indigena di parti di shete soldaat.

 

LEAVE A REPLY

Please enter your comment!
Please enter your name here