Ta pidi aclaracion riba aspecto di radar di Aruba

Ultimo tempo ta poniendo mas atencion riba e problema di ilegalidad drentando nos costanan por medio di boto. Ta tumando stapnan pa cuminsa traha mas a base di informacion, cual fraccion di MEP tambe ta haya importante. Parlamentarionan a manda pregunta por escrito riba e intencion pa loke ta trata radar di pais Aruba pa detecta personanan cu kier drenta nos pais.

Durante fin di siman largo di fiesta tanto cuerpo policial como ministerio publico tabatin su mannan yen cu varios acontecimento segun minister di husticia Andin Bikker (POR). Esun cu tin mas atencion di e minister ta di personanan cu a drenta Aruba na un manera ilegal via boto na costa di Aruba. Aki a resalta un caso unda a detene un persona ilegal biniendo cu boto cu tabata posee artefactonan di indole militar, esta un granada.

Segun minister Bikker, lo traha pa accelera e proceso pa haya un helicopter na disponibilidad di autoridadnan uniforma pero tambe pa cuminsa coopera mas estrechamente cu Marina Real. Diamars den oranan tempran di mainta ora cu ta tin cierto movemento na e costanan a sinti falta di por tin na disponibilidad un helicopter, e minister a splica. Los di esey ta bay haya un cantidad di autonan cu a busca specialmente pa kust surveillance.

Asistencia militar pa casonan specifico
Riba e parti di pidi asistencia di Marina Real, esaki actualmente ta e caso cu den cierto situacionnan alarmante por pidi e asistencia. Por ehempel e caso di Rishandroh y Roshandrick, ‘pueblo por corda cu a pidi asistencia militar di Marina Real pa yuda busca un di e rumannan di cual ta hopi gradici pa esey’, sr. Bikker a expresa
Loke esaki ta bay contene, cu por haya asistencia di militaire bijstand di Marina Real pa casonan specifico.

Segun Minister Bikker, un di nan ta helicopter cu tin staciona na Corsou y pone mas disponibel pa vigila e area espacial di Aruba banda di e costanan. E di dos ta pa pone mas patruya di kustwacht di Marina riba lama pa vigila nos costanan. E di tres, señala esunnan cu tin menos bon intencion. E situacion aki no solamente ta un preocupacion pa Aruba so pero tambe Reino segun minister Bikker.

Mas persiguimento por medio di inteligencia
Di parti di procurador general Alexander van Dam a trece dilanti cu aunke comunidad ta pidi pa bin mas vigilancia den forma di mas cuerpo uniforma riba caya, e manera mas inteligente di traha ta por medio di inteligencia riba con y ki ora e personanan cu ta drenta den nos costanan ta haci esaki. Minister a agrega cu lo percura pa bin mas vigilancia, por medio di drones y helicopter, pero uzando tecnologia, mirando cu nos tin recursonan limita.

Segun procurador general, ‘nos tin un ocupacion 24/7 pa loke ta trata surveillance di parti di kustwacht y KPA cual ta unico den Caribe Hulandes. Pero nos por mira cu mas fruto por bin di enfoca riba persiguimento basa riba informacion. Esaki kiermen cu en bes di bisa bo ta bay riba costa di 12 or pa 4 or, bo ta bay riba lama ora tin chens cu un hende lo kier drenta’.

‘Mole’ den husticia
T’asina cu autoridadnan por mira caba cu cierto informacionnan ta sali sin autorisacion. Pues asina lo por ta comunicando cierto ‘blind spots’ den e sistema di radar di Aruba.
“Di Aruba mes ta duna informacion na personanan cu kier bin aki, pues no t’asina cu diripente hende ta haya gana di bin cu boto y ta adivina con y unda pa bin pa yega. Desde Aruba nan ta duna instruccion con pa yega. Esey kiermen nos mester bay traha a base di informacion, mirando nos capacidad limita.”

Te hasta prensa ta hayando indicacionnan via Whatsapp unda ta adverti cu accionnan di Warda Nos Costa lo bay tuma luga, cual den pasado a conduci na un cancelamento di tal accionnan. Esaki lo por indica cu tin ‘mole’ den e servicionan di husticia di pais Aruba. Pa esaki sr. Bikker a splica cu nan ta consciente di esaki, pero no lo divulga con lo bay anda cu esey. “E tin nos atencion pasobra tur ambtenaar tin un deber di secrecia.”

Preguntanan por escrito riba radar y autonan para
Riba e aspecto di e blind spots den radar lider di fraccion di MEP Rocco Tjon a trece dilanti cu lo bay haci preguntanan por escrito na e minister pa haya sa kico ta e intencion pa e sistema di radar na Aruba.

Sr. Tjon por a tuma nota cu minister lo pone na disponibilidad un cantidad di autonan pa surveillance nobo y esaki e ta haya ta un stap den un bon direccion. Sinembargo e ta spera cu e autonan aki keda ekipa cu un ‘mobile surveillance equipment’.

”Pa un prijs basta rasonabel, esta alrededor di 1 miyon dollar lo bo por tin bo mesun radarnan pa garantisa e seguridad na bo frontera.”
E concepto di e radar den concepto di sr. Tjon lo mester no cay solamente pa 1 departamento, esta kustwacht, si no pa pone esaki den man di varios organisacion alabes cu por coordina mas conhuntamente accionnan cu informacion haya via e radar. “Como 2 organisacion bo por wanta bo mes skerpi tambe.”

”Si bo tin un radar cu ta funciona optimalmente bou maneho di pais Aruba bo por premira di adelanta cu boto ta drenta. Bo tin cu traha basa riba informacion y inteligencia. Bo no por traha ciegamente. P’esey e ta importante pa bo tin un radar pa haci analisis na tempo pa na tempo por yega na e sitio concerni. Y e di dos liña di defensa cual lo ta e kust surveillance team mester institui den mi concepto mas lihe posibel pa cuminsa traha cu e autonan cu tin.”

You May Also Like

Aruba lo sinti efecto di tormenta tropical mañan

Comunidad di Aruba mester ta prepara pa e efectonan di un tormenta tropical cu ...

24sep trahado herida.JPG

Trahado masculino a cay for di halto na Riu Antillas

PALM BEACH – Diaranson merdia na Riu Antillas durante di un trabou di mantencion ...

19feb, JM, Landamento (9).jpg

Atleta di landamento Allyson Ponson den campo di entrenamento na Colombia

  Despues di su clasificacion historico pa e Weganan Olimpico di Rio di Janeiro, ...

4juliNP nutritivo di producto (1).jpg

Nadien Phillip: Come local y segun temporada ta duna mas balor nutritivo na consumido

Come cuminda segun tradicion local, produci local y segun temporada ta mas miho pa ...

Minister: Departamento policial nobo pa trata bendemento di droga riba beach

Un departamento bou cuerpo policial a wordo crea pa specificamente pa trata asuntonan relaciona ...