(AP) – Nintendo ta den proceso di desaroya un ‘live-action’ basa riba e videogame hit “The Legend of Zelda,” e compania Hapones tras e franquisia Super Mario a anuncia diaranson.
E pelicula, cual lo ricibi financiamento di Sony Pictures Entertainment ademas di su propio inversion, lo ser dirigi pa Wes Ball, e director Mericano di e pelicula binidero “Planet of the Apes”. Tambe esaki lo ser co-produci pa Nintendo and Arad Productions Inc., cual ta tras di e peliculanan di Spider-Man y lidera pa Avi Arad.
E pelicula aki ta enfatisa Nintendo, basa na Kyoto, su strategia di expande varios aspecto di su negoshi, incluyendo parkenan di atraccion basa riba un tema, mercancia y peliculanan, pa aumenta benta di mashin y programanan y vice versa. E strategia aki a mira hopi exito. Su pelicula anima “The Super MArio Bros. Movie,” lansa anteriormente e aña aki, a genera mas di 1.3 biyon dollar den ganashi y a atrae mas di 170 miyon persona mundialmente. President Shuntaro Furukawa, ora di informa reporteronan online, a bisa cu e compania ta sumamente contento cu e exito di Super Mario, e prome pelicula di cual Nintendo tabata un productor directo.
No a anuncia e fecha pa cual tin den plan lansa Zelda. Shigeru Miyamoto, e ehecutivo di Nintendo cu a lidera e innovacionnan creativo na e compania pa decadanan largo, a bisa cu esaki lo ser lansa solamente ora cu e ta completamente cla, mientras a enfatisa tambe cu trabao riba e proyecto ta andando pa un decada caba. “Mi ta realisa cu tin un gran cantidad inmenso di fanatico di Zelda y nos no por defrauda nan y mas importante nan expectativa. Esaki ta un peso hopi grandi pero nos ta cla,” Miyamoto a expresa.
E wega mas recien di Zelda yama “Tears of the Kingdom,” ta bendiendo sumamente bon y Nintendo ta spera cu e pelicula tin den plan lo beneficia e popularidad di e wega, cual ta trata un heroe y un prinses ta lucha contra maldad, aunke e storia ta uno hopi mas profundo cu esaki. E Switch, ya caba den su di 7 aña despues di su debut, te ainda ta bendiendo bon segun Nintendo.
Na Merca, Nintnedo a habri un Universal Studios na Hollywood y e compania tin plan di habri otro na Orlando. E area pa e parke cu ya caba nan tin na Hapon lo crece proximo aña pa inclui un seccion dedica na Donkey Kong, otro personahe di Nintendo. Tambe nan lo habri un museo dedica na su historia y legado den e capital anciano Hapones Kyoto den maart di proximo aña.
