Manera Bon Dia Aruba a informa ayera, siman pasa un incidente masha grandi mes a tuma luga na unda a haya cantidad di telefon y zag den cel di e presonan unda e incidente aki a keda sin sali na luz publico y Landsrecherche a tuma e investigacion aki over.
Por a compronde for di un fuente cu ayera trahadonan ta bezig tabata papia cu nan sindicato pa wak kico ta e plan di accion cu nan lo tuma pa motibo cu siguridad di trahadonan ta laga hopi di desea y tin scarsedad di trahadonan.
Bon Dia Aruba a purba tuma contacto cu director interino Sra. Irma Gordon via whatsapp y e-mail conhuntamente cu minister di Husticia Rocco Tjon na unda redactor di Bon Dia Aruba a haci e siguiente preguntanan:
Kico ta e situacion na e momentonan aki na GNC cu segun informacion obteni, a haya zag y telefonnan den celnan di e presonan, landsrecherche a tuma e investigacion over. Segun informacion un di e detenidonan a señala un presunto trahado di Guarda nos Costa como e persona cu a hinca e zag cu e telefon den e celnan.
Pero te ciere di edicion aki redactor no a haya contesta ni di Sra. Gordon ni di minister Rocco Tjon.
