Stingray Swimming Team, a celebra hunto cu atleta y mayornan e aña di natacion cu tabata sumamente exitoso, cu pa prome biaha den historia ta gana Campeonato Arubano.

E anochi ta consisti di dos parti, unda a ricibi mayornan y atleta na MFA Savaneta pa asina premia e atletanan den diferente categoria. Pa e premionan aki coachnan a tene cuenta cu diferente punto, manera presencia na training, comportacion pa coachnan y otro atleta, hytek point, logro y medals. A premia diferente aspecto manera, “most valuable swimmer” pa categoria, “record getter”, “most motivated” swimmer” y “golden goggle female y male”.

“Most valuable swimmer” a bay pa e siguiente atletanan:

6&under Leandro Santiesteban

7-8 Eva Kock y Zaniel Geerman

9-10 Dianthe Kock y Ian Croes

11-12 Giancarla Larez y Jaydon Croes

13-14 Lynette Tromp y Carlos Javier Larez

15 &over Canila de Cuba y Gabriel Lopez

Atleta mas motiva Andrea Solovey

Record getter ta bay pa Leandro Santiesteban

Golden goggle 2019 ta Eva Kock y Gavin Kock

Tur atleta a ricibi nan certificado cu nan logronan pa 2019 unda cada atleta por wak nan mehoracion.

E anochi aki tambe nos a duna reconocimento special pa nos atletanan de exterior, cu lo ricibi nan certificado oranan ta na Aruba. E atletanan den exterior ta haciendo un tremendo trabou pa nan scol y tambe pa clasifica pa Tokyo 2020.

Atletanan den exterior mester participa tur aña na e campeonato Arubano y e aña aki a duna su fruto cu nos a bira Campeon. Atletanan ta

Ally Ponson, Mikel y Anahi Schreuders, Daniel Jacobs, Patrick Groters, Elisabeth Timmer, Brandon Cheong y Andrea van den Berg.

Depues cu e parti formal a termina e atleta nan a subi bus y a bay celebra den ambiente nan “END YEAR PARTY” muchanan a gosa di musica y a canta y baila sin fin.

Coach Ismael y Valerie masha danki pa boso guia y formacion di cada atleta, pa e pasenshi y pa e tempo cu boso ta hinca den cada atleta. Mayornan danki pa hinca boso confiansa Stingray. Nos kier gradici tur nos sponsornan, boluntarionan cu ta yuda cu tur actividad, boluntario durante competencianan, nos fanaticonan crazy y jolly cu nos tin, danki pa haci e aña aki exitoso. Famia di Stingray kier desea henter Aruba feliz dianan di fiesta y un prospero 2020.