(AP) – NASA su telescoop nobo a habri e spiel gigante, den forma di flor riba diasabra, cual ta e paso final den e observatorio su revelacion dramatico.
E ultimo porcion a ser poni den luga cu comando di e controlador, completando e revelacion di e James Webb Space Telescope.
“Mi ta hopi emocional cu esaki. E ta un gran logro. Nos ta mira e bunita paisahe di espacio y den shelo awo,” Thomas Zurbuchen, hefe di Nasa su misionnan cientifico a bisa.
Mas poderso cu e Hubble Space Telscope, e telescoop di 10 biyon dollar Webb lo scan espacio pa lus cu ta bini di e prome streanan den galaxia forma mas di 13.7 biyon aña atras. Pa por logra esaki, NASA mester a pone riba Webb e spiel mas grandi y sensitivo cu nan a yega di lansa, e “wowo di oro,” manera e cientificonan ta yama esaki.
Webb ta asina grandi cu e mester a ser dobla como origami pa por fit den e ‘rocket’ cu a sali for di Sur America dos siman pasa. E operacion mas riesgoso a tuma luga anteriormente e siman aki, unda cu a arma full e telescoop y asina provee sombra ‘subzero’ y detectornan ‘infrared’.
