(AP) – Ayera diaranson, presidente Colombiano Gustavo Petro no a descarta kibra relacion diplomatico cu Guatemala y a sigura cu ta den man di e pais ey “te na unda nan kier hiba e situacion”, memey di e tension politico cu nan ta atravesa pa e bataya legal di e pais centro Americano contra un minister Colombiano.

“E vengansanan ey di e politiconan y coruptonan nos no ta bay acepta, mas na momento cu nan ta purba viola e soberania nacional, nan tuma nan decision, anos ta tuma esun di nos”, Petro a sigura na prensa for di Suisa na unda e ta asisti na e Foro Economico Mundial di Davos.

E desacuerdo a cuminsa dialuna ultimo despues cu Ministerio Publico di Guatemala a anuncia cu ta bay tuma accion legal contra Ivan Velasquez, minister di Defensa actual di Colombia y ken a lidera e Comision Internacional contra Impunidad na Guatemala (Cicig).

Cicig, un organismo di Nacionnan Uni a cera na 2019, Velasquez mester a sali for di Guatemala pa tension entre su persona y e presidente Jimmy Morales pa via di su investigacionnan. Cicig a hiba na huicio tres ex-presidente, incluyendo e general Otto Perez Molina y a acusa mas di 1.500 persona pa corupcion, entre nan funcionarionan di gobierno, huesnan y empresario.

Oranan prome canciyer Colombiano Alvaro Leyva a rechasa e investigacion contra Velasquez y a sostene cu “no ta un accion di gobierno Guatemalteco, sino di un fiscal cu ta wordo investiga pa Merca”. El a agrega cu embahador Victoria Gonzalez a wordo yama pa consulta pa aclaria loke ta sosodiendo na Guatemala.

Den accionnan legal te ainda no ta conoci un orden di aresto, a wordo anuncia pa Fiscalia Special Contra Impunidad cu e fiscal Rafael Curruchiche ta dirigi y ken a haya sancion di Merca na 2021 pa interferi den e lucha anticorupcion. Segun e fiscal, Velasquez mester responde “ pa su actonan ilegal y di abuso” cometi ora e tabata na cargo di Cicig den un supuesto caso di corupcion relaciona cu e compania constructor Brasilero Odebrecht.

LEAVE A REPLY

Please enter your comment!
Please enter your name here