Tereno pa Cinema/Shopping Mall nobo na Palm Beach a wordo nenga

Minister encarga cu Infrastructura a toca ayera durante un rueda di prensa riba e tema di opcion di tereno duna na area di Wetlands na Palm beach pa desaroyo comercial. El a informa cu for di 20 di december 2017 gobierno nobo a bisa na e grupo cu no lo otorga e tereno aki a base di opcion cu tabata tin, y pa motibo cu no a cumpli tampoco cu e diferente rekisitonan cu a bin cu e opcion aki.

Den cuadro cu e asunto cu a yega te den corte di de Veer Chain Theatres cu a haci peticion pa un tereno den area Wetland banda di Palm Beach, otorgamento pa desaroyo comercial riba e tereno aki a keda nenga. Tabata tin varios rumor bayendo rond cu supuestamente e tereno lo a wordo otorga toch pues e mandatario a haya importante pa bin dilanti anto aclara algun cos ayera. “E posicion di gobierno Gabinete Wever-Croes y sigur di mi persona den esaki ta cu nos ta respeta e R.O.P. manera ley y maneho. Y cu tur e decisionnan cu a wordo tuma por medio di minister anterior cual ta basta y diferente casonan den corte, otronan cu nos ta sacando carta pa nan, mustrando nan riba e hecho cu loke a tuma luga no ta corecto”, e mandatario a splica.

Opcion pa tereno wetland
E mandatario a trece dilanti cu e minister anterior encarga cu Infrastructura, a duna un opcion di e tereno aki dia 5 di januari 2017 na e grupo di de Veer. E tereno ta den Wetland cu pa R.O.P. principalmente no por wordo construi nada riba dje, y tabata tin diferente conseho caba cu a mustra cu no lo tabata corecto pa otorga e tereno aki. Despues cu seis luna a pasa di e opcion, manera nos a publica riba dje, e compania a bay corte contra gobierno. E compania a perde e caso den un Kort Geding. Nan a bay Hoge Beroep den esaki pa locual por cierto ta bay tin otro siman un veredicto riba esaki despues cu gobierno a gana e caso e tempo ey pa no otorga e tereno. Sinembargo ex minister Sevinger a bolbe firma, no a duna oficialmente un opcion nobo segun minister Oduber(POR). E ex minister a bolbe extende e opcion pa seis luna mas, cual tambe a vence mientrastanto, contra tur conseho cu tabata tin pa extende esaki segun minister Oduber.


Carta pa nenga tereno
20 di december 2017 a bay un carta for di minister Otmar Oduber caminda cu ta mustra hopi cla na e grupo di de Veer Chain cu: e tereno aki bao ningun circunstancia, y mas ainda tumando na consideracion e consehonan cu tabata tin di tanto DIP, DOW, y DNM, y tumando na consideracion tambe e R.O.P. e tereno no lo wordo otorga na e grupo aki. E mandatario a laga sa cu tabata tin un encuentro tambe cu e grupo unda cu a hustifica e carta aki. Y despues di esaki tambe tabata tin encuentro cu e grupo aki mirando cu nan tabata kier presenta opcion/posibilidadnan nobo.

Otro casonan di terenonan den zona berde
E mandatario encarga cu Infrastructura a sigui elabora cu tin hopi otro casonan caminda cu gobierno por a constata cu den momentonan di despedida di gobierno anterior, a duna un cantidad di tereno den zona berde/naturalesa/wetlands. “Tur esakinan na momentonan aki ta wordo evalua por medio di nos huristanan. Y tur lo ricibi un carta tambe di mi persona como representante di gobierno, cu nos no ta bay honra e terenonan aki cu a wordo otorga”, e mandatario ta bisa. Un par di siman pasa minister Otmar Oduber a mustra riba e hecho cu tabata tin un consehero di minister cu su contract cu gobierno a termina riba 31 di october. Sinembargo e persona aki cu no tabata traha pa pais Aruba mas, cu tabata forma parti di e Management Team di DIP te cu dia 17 november ainda, a sigui pasa actanan na Notario. E mandatario ta bisa cu un cantidad di acta a wordo pasa pa un persona cu no tabata ni traha pa gobierno mas, y minister anterior nunca a trek in su mandato cu e tabata tin pa por pasa actanan na Notario. Esey ta e motibo tambe cu desde 20 di november ultimo tur actanan cu tabata na Notario a wordo para na momento cu minister Otmar Oduber a asumi responsabili

You May Also Like

Casonan di hospitalisacion pa motibo di Influenza aumentando

ORANJESTAD – Durante e prome siman nan di 2019, 34 persona a wordo interna ...

VENEZUELA: Centronan di votacion ta amanece bashi

Dia di eleccion presidencial y di eleccion di representante municipal y estatal e urnanan, ...

OM: ‘Siguridad di detencion padrastro Gaby Martiens ta garantisa na Aruba’

Den cuadro cu e padrastro sospechoso principal Gaby Martiens di e dobel tragedia cu ...

‘Diversificacion di pilarnan economico y distribui recurso importante’

Segun studiante Jay-mar Gamarra: Aunke turismo ta trece desaroyo economico na nos pais, segun ...

NG AZV.jpg

Raad van Advies: Fondonan social AZV y SVb no ta sano ainda

Den e conseho di Consultorio Consultativo (Raad van Advies) riba e presupuesto 2017 por ...

25 aug, JM, Bombero (1).jpg

Gino Tromp y Ferdinand Ponson a ricibi diploma di “Vak-Officier”

E prome curso di “Vak-Officier van Dienst” den Caribe Hulandes, e prome di su ...