Biaheronan cu ta bula di Hulanda pa Boneiro denter di poco mester haci un test di PCR y un test antigenico obligatorio prome cu salida. Un test antigen ta un test rapido, e test ta indica si tin proteina di virus den slijm den nanishi y garganta.

Hulanda ta un pais di riesgo halto pa Boneiro. Pasaheronan for di Boneiro cu ta biaha pa Hulanda no mester haci un test di PCR y test antigen prome cu salida, pa Hulanda Boneiro ta un pais di riesgo abou. Biaheronan for di paisnan di riesgo halto manera Merca y Canada cu ta bula pa Boneiro, si mester haci un test di PCR y e test antigen entrante 23 di januari 2021.

Probablemente ta dura dos siman prome cu introduci e condicion pa un test antigen pa biaheronan for di Hulanda pa Boneiro. Esaki pasobra mester adapta e areglo ministerial prome y esey ta tuma mas o menos dos siman. P’esey no ta conoci ainda for di ki dia e test antigen ta bira obligatorio pa biaheronan for di Hulanda pa Boneiro. E biaheronan aki mester haci e haci e test di PCR maximalmente 72 ora prome cu yegada na Boneiro y maximalmente cuater ora prome cu salida e test antigen. Nan mester yena un declaracion di salu di e departamento di Salubridad Publico pa mas tarda 72 ora y no mas laat cu 48 ora prome cu salida.

 

For di 23 di januari 2021 Hulanda ta introduci un prohibicion di vuelo pa Reino Uni, Sur America y Sur Africa, como cu den e paisnan ey tin hopi contaminacion cu e virus di corona modifica. E prohibicion di vuelo pa e paisnan ey ta conta tambe pa vuelonan pa Boneiro. E paisnan pa cua e prohibicion di vuelo ta conta ta: Reino Uni, Cabo Verde, Sur Africa, Argentina, Bolivia, Brazil, Chile, Colombia, Ecuador, Guyana Franses, Panama, Paraguay, Perú, Sürnam, Uruguay y Venezuela. Riba e website www.bonairecrisis.com por lesa for di diabierna 22 di januari 2021 pa cua pais e prohibicion di biahe ta conta y cua pais ta considera como pais di riesgo abou. Pa biaheronan for di e paisnan di riesgo halto ta conta e test di PCR y e test antigenico obligatorio.

 

Pa pasaheronan for di Corsou, Aruba y Sint Maarten cu ta bini Boneiro, nada no ta cambia. Keto bay nan mester haci un test di PCR pa mas tarda 72 ora prome cu yegada na Boneiro y yena e declaracion di salud di Salubridad Publico digitalmente. Pasaheronan for di Saba y Sint Eustatius cu ta biaha pa Boneiro, mester yena solamente e declaracion di salud di Salubridad Publico digitalmente bou di e condicionnan cu ta conta pa esey.

 

Despues cu Hulanda a anuncia e prohibicion di vuelo, KLM a duna di conoce den medionan di comunicacion cu e compania for di 23 di januari 2021 no ta haci vuelo intercontinental mas. Segun KLM ta imposibel pa loke ta trata e vuelonan aki, pa na regreso laga e personal di vuelo haci e test antigenico. Pero na regreso for di Boneiro pa Hulanda, personal di e compania no mester haci un test antigenico como cu Boneiro ta un pais di riesgo abou. Te cu awor no ta cla si e compania di berdad ta para e vuelonan intercontinental.

LEAVE A REPLY

Please enter your comment!
Please enter your name here