Un base di data utilisa pa polis Hulandes pa ‘facial recognition’ (reconocemento di cara) tin actualmente 1.3 miyon persona y 2.2 miyon foto, esaki ta segun un investigacion haci pa Vice. Un foto ta wordo agrega na e base di data si ta sospecha cu un persona a comete un delito cu un sentencia di prizon di mas o menos cuater aña.
“E ta un number straño”, Lotte Houwing di e grupo di lobby di privacidad Bits of Freedom a bisa e website. Te na e momentonan aki no tin un debate real na Hulanda tocante e tecnologia di reconocemento di cara y cualkier discusion cu tin ta tuma luga tras di murayanan, Houwing a bisa.
Autoridadnan local ta papia di ciudadnan inteligente y siguimento general, pero no tin un lobby fuerte na Hulanda contra reconocemento di cara. Esaki ta un debate cu apenas ta cuminsando. Na 2017 e database a produci un coincidencia cu a permiti pa identifica sospechosonan 93 biaha . Vice a bisa.
Polis tambe tin acceso na un base di data cu ta contene fotografianan di refugiadonan y inmigrantenan indocumenta, y cu ta contene hopi mas foto cu e banco di imagen di sospechosonan di delito, e vocero di polis Ed Krasewski a bisa e website NU.nl. A añadi cu e fotonan di e base di data di sospechosonan di delito ta ser warda durante 20, 30 of 40 aña, esaki ta depende riba e gravedad di e delito.
