ROSEBURG – Chris Harper Mercer, e mucha homber di 20 aña cu a causa un tiramento y e tuma e bida di 10 persona na un Community College na Oregon, tabata kier a bira famoso pa motibo di e acto nan cometi aki. Riba su blog por a lesa su pensamento nan y cu e tabata remarca cu matando hende ta duna bo fama, mencionando e tiramento nan anterior cu a tuma luga na Merca. E tabata tin duele pa e IRA y Nazi nan.
Harper a tira 9 hende, pero prome cu e la tira nan e tabata puntra nan di ki religion nan ta, si nan tabata Christian. Y si e contesta tabata “Si, mi ta Christian” e la laga nan sa cu nan lo conoce Dios den un rato, y mesora a tira nan mata. Na final Mercer a wordo tira mata pa polis.
Presidente Obama a duna un speech sumamente rabia y a expresa cu cosnan asina ya ta birando un custumber, cu e speech nan ta birando un custumber “Nos a bira sin gevoel”. E aña aki so tabata tin 293 tiramento y cu 4 morto na Merca. E ta bolbe toca e tema di e ley contra arma pero hopi Mericano ta contra asina paso e ta sinti cu e lo kita nan libertad.
