Un tormenta poderoso a atravesa sur di Merca y a ocasiona tornado y inundacion, cu a costa bida di 8 persona, a herida decenas, y laga varios luga destrui na Texas. Tres mucha ta entre e fayecidonan.
Dos mucha a perde nan bida na Texas ora cu un ‘pine tree’ a cay riba nan auto, den cual nan tabata. E ‘palo a destrui e auto, plachando manera un pancake’, Alton Lenderman a bisa, di e oficina Angelina County Sheriff. E muchanan di edad 3 y 8 tabata esunnan cu a fayece, e mayornan cu tabata dilanti sinta ta bibo, pero herida.
Tin como 55 cas destrui, un misa, 4 negoshi y un edificio local di autoridad. Na Hamilton, Mississippi, Robert Scott, di 72 aña di edad, a bisa cu e tabata drumi ora cu e la lanta, el a haya su mes na e patio di su cas. El a ripara cu e tornado a destrui su cas for di e fundeshi.
E casa di Scott, Linda, tabata na un otro parti di e cas, pero tambe a sobrevivi. Nan a haya otro ora nan tabata rond di e resto di e cas, unda nan ta biba for di 1972. “Nos ta bibo, y Dios a bendiciona nos”. Scott bisa.
E tormenta a daña dak di hotel di New Albany, y na Universidad di estado Mississippi, 21 mil studiante a bay den sotano pa sconde. Autoridad a bisa cu Sebastian Omar Martinez, un di e victimanan, a hoga den un canal di inundacion.
