Ayera diabierna den oranan di mainta, trahadonan di Aruba Ports Authority (APA) a welga pa dos ora pa motibo cu negociacion di un contract colectivo a tranca riba mesa.

Mark Figaroa director di APA a reacciona bisando cu nan a tuma nota di e accion aki y cu diahuebs mainta tabatin un reunion na unda cu segun por a comprende di su ekipo conforma cu pa manager di finanzas y otro personanan, nan ta di acuerdo cu algun puntonan prome cu concilia cu nan ta bay informa ekipo di APA pa por negocia e CAO.

“Nos tabata den contacto continuamente y haci kico ta e posibilidadnan. A rechasa tur e ofertanan cu tabatin den ultimo lunanan cu APA tabatin riba mesa y e ultimo cu aworaki cu den nos parecer ta algo cu tin e espacio cu APA por carga financieramente ta uno bastante lucrativo y mi ta kere den cuadro di transparencia, mi kier ta hopi honesto, e ta un ahuste salarial anual cuminsando na 2024, un bono, un side bono cu sin nos por yega na un acuerdo, ta mas cu e parti anterior hasta pa tur esnan cu tabata solidario durante cu pandemia nos mester a haci e recorte salarial y nos ta willing di yega na un forma cu nos por hasta entrega esaki back den un fase transitorio.” Figaroa a sigura.

Nan ta considera cu esaki ta “un pida di bolo tin” y esey ta e forsa financiero. Igualmente el a bisa cu nan a cera e margen cu nan kier un vast bedrag y nan tin un poco di preocupacion pa esey pa motibo cu e vast bedrag riba mes aworaki ta di 250 florin y loke ta pasa cu esnan di scala mas abou akinan ta papiando di un ahuste salarial di mas cu 9% pa e scala aki abou y pa esnan mas ariba e ta un tiki mas cu 2%.

“A pesar cu esaki ta bay crea un desbalansa den bo structura salarial y mi ta kere pa mas cu ta husto pa tur trahado bo mester tin un porcentahe pa e crecemento ta proporcional, pasobra aworaki e ta un poco desproporcional y e ta trece problema den futuro.” El a bisa.

Nan sa cu esaki a tuma luga pa varios aña pero nan sa cu ta incorecto y e ta kere cu esaki ta un momento cu por trek e contra propuesta riba mesa di diahuebs ultimo tabata pa por haci un fase transitorio cuminsa cu un vast bedrag y bay over na un porcentahe di e cual nan tin oido pa esey, segun Figaroa a sigura, pero esaki mester ta algo cu pa nan como compania por carga responsablemente debi cu no ta unicamente loke nan por carga aworaki. E consecuencia cu esaki tin for di awor te cu dia bay cu pension ta un impacto grandi.

“Por compronde cu nos tin un cu haci inversionnan grandi cu ta na caminda pero esaki ta pa bienestar di existencia di APA y nos ta willing pa duna y mi ta kere cu nos oferta ta uno basta rasonabel, lucrativo, pero mi ta kere nos tin cu tene na consideracion tambe con e crecemento a bay den e añanan anterior. Nos gerente financiero cu a bay cu mi tambe tabata presente ayera y tambe e por indica cu historicamente por ehemplo a base di e CAO cu a caduca e aña pasa. Nos tin un averahe cu tur e componente na unda e empleadonan a crece na un averahe di 23% e proposicion cu nan lo kier vast bedrag esaki lo bay crece ainda mas cu 23% y aworaki nos ta wak kico nos por acomoda,” el a sigura.

Manera mayoria di compania na Aruba cu a pasa den pandemia, nan a splica cu nan a desvia hopi di nan inversionnan pa protege cuponan di trabou di tur hende debi cu “APA no a kita ni un hende for di trabou durante pandemia a pesar cu nos waf a keda cera pa e parti crucero pa 16 luna y asina mes nos a maneha pa por protege e cuponan di trabou di tur hende,’ Figaroa a expresa.

Na october di aña pasa segun el a indica, nan a cuminsa mira e recuperacion di october e ta considera cu nan tin un proposicion pa un CAO cu nan ta willing pa duna algo: “nos no ta nengando di duna, nos ta dunando y nos ta papiando di un signing bonus cu ta mas cu un CAO anterior y parti di esnan cu tabata solidario lo haya den un transcurso di tres aña un bono pa su solidaridad y na banda di esaki lo tin un ahuste salarial anual di porcentahe,” el a comenta.

E prome impresion cu nan a haci tocante e porcentahe tabata di un ahustacion di 1.5% pero e ultimo cu a bin dilanti ta un ahustacion anual di 3% pa aña 2024 y 2025 “cu ta conforme mercado y tambe conforme loke e compania por carga,” manera Figaroa a declara.

Di su parti e ta sigui enfatisa cu semper nan ta y tabata di acuerdo pa sinta mesa pa motibo cu na mesa ta na unda tin cu haya solucion. Tambe a sigura cu tur empleado ta haya informacion corecto y nan ta al tanto di kico e proposicionnan ta.

“Nos tambe tin cu pensa un rato, tin un scala cu ta stipula den kico e funcion ta, pero bo no por bay crea cu esnan di mas abou ta bay crece asina hopi anto e otro ta keda pega cu un crecemento chikito, pasobra e ta bay crea un desbalansa cu tin caba y cu nos tin cu compronde cu a pesar di e reduccion cu ta bay riba bo salario directo tin otro componente cu ta bay bin acerca riba e salario,” Figaroa a finalisa.