Tratamento completo di caso tiramento fatal Wayaca 30 di juni

Ayera e caso fatal na Wayaca cu a sosode riba 13 di september 2016 tabata pro forma den corte manera un ‘regiezitting’.

Hues a puntra e defensa y fiscal ki investigacion mas nan kier haci. Fiscal a señala cu e tin varios punto di investigacion cu no a termina ainda, entre otro analisis di data den celularnan. Hues a pone  e fecha di 30 di juni pa trata e caso completo.

Abogado Chris Lejuez: “Di parti defensa nos a pidi tambe cierto rapport cu nos ta haya ta necesario pa haci e investigacion mas completo. ” Hues a puntra fiscal ki dia ta un dia mas adecuado pa trata e caso completo. Fiscal a propone dia 23 di juni, pero finalmente hues a dicidi pa sigui cu dia 30 di juni. Fiscal a laga sa cu e sospechoso nacionalidad Boneriano  a haya test di psicologo caba. Den e rapport, e psicologo a recomenda pa pone bao di tratamento y mand’e pa un psikiatra haci evaluacion di dje tambe.

Abogado Lejuez a pidi hues pa haci un rapport psicologico di su cliente Steve Fan pasobra posiblemente esey por trece cierto puntonan na claridad cu ta importante pa defensa. “Un psikiatra ta dicidi si un hende por para responsabel pa su actonan, y tambe si tin algo patologico of no bon cu e persona su mente, un psicologo mas bien ta pa evalua e caracter di e persona y ki tipo di hende e ta.”

       –  Famia di e victima saliendo di corte    

Caso
Ambos sospechoso deteni ta acusa di asesinato cu nan a haci conhuntamente cu a causa morto di dama nacionalidad Chines S.S.K.F.F. door di un tiro den cabes. Ademas di esey,  sospechoso Steve Fan ta wordo acusa tambe como complice di e otro persona den comete e mesun actonan aki. E sospechoso di nacionalidad Boneriano ta esun cu a tira pero sr. Fan ta wordo acusa di ta un complice den esey. Como complice e ta haya e mesun castigo cu esun cu a comete e acto mes. Nan ta acusa sr. Fan di a yuda e otro persona cu cierto servicio y den cierto manera pa e otro persona bay comete e actonan aki.

Shock comunidad
Esaki ta un caso di atraco cu a resulta den tiramento fatal na bario di Wayaca cu seguramente a shock henter comunidad di Aruba. Despues di dos entrada hudicial, polis a pone man riba dos sospechoso. Esaki pues a pasa algun siman despues di e suceso unda cu na Pavia 52 a detene comerciante Fan di Stevie Ice Factory como sospechoso. A detene e di dos persona di nacionalidad  Boneriano cu aparentemente ta traha pa sr. Fan. Na Pavia polis tambe a haya e pickup cu testigonan a mira ora a busca e sospechoso di e tiramento patras di veld di Sportboys na St. Cruz.

You May Also Like

20 oct DT varadero (5).JPG

Varadero Aruba organisando e Caribbean Cup

Varadero Marina & Boatyard ta organisa The Aruba Caribbean Cup dianan 20 pa 23 ...

Aruba, pais di migrante?

Den e tempo di aña aki, di bandera di Aruba tur caminda, cu evento ...

WEB

Barconan a yega pa suministra fuel oil na WEB

Director di WEB,  Luis Oduber a informa na Bon Dia Aruba  cu e retraso ...

Minister Lampe: ‘Cambio DPS pa fundacion no lo afecta maestronan’

Minister di Enseñansa Rudy Lampe (RED) a splica den un conferencia di prensa cu ...

Clientenan cu no paga number di auto por haya un cobransa adicional

Clientenan mester tene na cuenta ta cu aunke e cobramento di boet di parti di ...

Fiscal ta considera dama Chines como persona “Cold Blooded”

Fiscal ta exigi un castigo di 10 aña di prizon pa e dama di ...