FILE - Tesla and SpaceX Chief Executive Officer Elon Musk speaks at the SATELLITE Conference and Exhibition in Washington on March 9, 2020. After making a promise on Twitter, the Tesla CEO has sold about 900,000 shares of the electric car maker's stock, netting over $1.1 billion that will go toward paying tax obligations for stock options. The sales, disclosed in two regulatory filings late Wednesday, Nov. 10, 2021, will cover tax obligations for stock options granted to Musk in September. (AP Photo/Susan Walsh, File)


(AP) – Elon Musk a bisa diasabra cu e trato plania di 44 biyon pa adkiri Twitter por continua si e compania por confirma algun detaye tocante con nan ta midi si un cuenta ta ‘spam bot’ of personanan real.

E biyonario y CEO di Tesla tin tempo purbando di retira su acuerdo di adkiri Twitter haci den april, cual a causa cu Twitter a demanda su persona luna pasa pa asina forsa su persona completa e adkisicion. Musk a pone un contrademanda, acusando Twitter di a mal informa su ekipo tocante e tamaño real di nan base di usuario y otro problemanan cu el a bisa a causa fraude y a kibra contract.

Ambos partido ta den direccion di un huicio den october na corte di Delaware.

“Si Twitter simplemente provee nan metodo di midi 100 cuenta y con nan ta confirma di ta real, e trato lo mester por procede manera a keda di acuerdo originalmente,” Musk a publica riba e plataforma. “Sinembargo, si resulta cu nan documentonan entrega na SEC ta falso, e ora esaki no lo procede.”

Musk, ken tin mas di 100 miyon siguido riba Twitter, a desafia e CEO di Twitter Parag Agrawal na un “debate publico” tocante e porcentahe di cuenta ‘bot’ riba Twitter.

Twitter a nenga di duna comentario riba diasabra. E compania varios biaha a entrega na Securities and Exchange Commission un calculacion unda cu ta reporta cu menos di 5% di nan usuario ta falso of spam, cu un advertencia cu esaki posiblemente por ta mas halto. Musk a nenga su derecho di pidi mas informacion ora cu el a firma e acuerdo di adkisicion den april.

Twitter a argumenta den corte cu Musk ta deliberadamente purbando di cancela e trato, usando e pregunta tocante e ‘bot’ como un excuus mirando cu e condicionnan di e mercado a deteriora y e adkisicion no ta den su interes mas. Den documentonan di corte diahuebs, e ta describi su contrademanda como un storia imagina “cu logica y evidencia ta contradeci.”