Anfitrion di ‘The Daily Show’ y comediante Trevor Noah a ser nombra como anfitrion di e Premionan Grammy 2021.

E academia di grabacion a haci e anuncio algun ora prome cu e nominadonan pa e proximo show ta keda revela. Esaki lo marca e prome biaha cu Noah ta anfitrion di e Grammys, cual lo tuma luga dia 31 di januari proximo.

Anteriormente e aña aki, Noah a competi pa su prome Premio Grammy: E ganador di Emmy, di 36 aña di edad, a ser nomina pa miho album comedia cu ‘Son of Patricia’, pero a perde contra Dave Chappelle.

“A pesar di e hecho cu mi ta extremadamente decepciona cu e Grammys a nenga di laga mi canta of ta nomina pa miho album pop, mi ta encanta di ta anfitrion di e evento auspicioso aki”, Noah a bisa den un declaracion. “Mi ta kere cu como un nominado na Grammy, ami ta e miho persona pa ofrece un schouder na tur e artistanan maraviyoso cu no ta gana riba e anochi, pasobra ami tambe sa e dolor di no gana e premio! (Esaki ta un schouder metaforico, mi no ta purbando di contrae Corona). Mi ta topa boso na e di 63 Grammys!”

LEAVE A REPLY

Please enter your comment!
Please enter your name here