(TrinidadExpress) – Prome Minister Kamla Persad-Bissessar ta para riba su advertencia na presidente Venezolano Nicolas Maduro cu Trinidad y Tobago ta ‘off-limits.’

Den su contesta riba preguntanan di Express, e prome minister a bisa cu no tabatin “pruebanan convincente” presenta pa oficialnan Venezolano pa sostene nan declaracionnan.

“No a duna nos informacion tocante e supuesto capturanan di ciudadanonan di Trinidad y Tobago,” el a bisa.

E Prome Minister tambe a tira back riba e oposicion, cu a critica e maneho di su gobierno di e asunto, bisando cu e no a logra participa den diplomacia.

Persad-Bissessar a bisa cu su gobierno a sigui protocol diplomatico apropia y cu no tabatin ningun eror.

“E eror ta ser cometi door di esnan cu ta sostene un dictadura. Ta asombroso con algun ciudadano di Trinidad y Tobago ta sostene dictadura, fraude di eleccion y violacionnan di derechonan democratico na Venezuela pero lo grita te na shelo si algo asina pasa cu un gobierno aki na nan pais,” el a argumenta.

Prome Minister Persad-Bissessar a bisa cu e ministerio di Asuntonan Exterior y di Caricom a despacha notanan diplomatico pa Caracas for di inicio di e acusacionnan haci pa Maduro.

“Ta un milager con e partido PNM cu un tempo tabata patriotico a bira antipatriotico. Ki un cambio asombroso. Mi ta puntra mi mes dicon?” Persad-Bissessar a declara.

Den e conferencia di prensa despues di gabinete dia 5 di juni, e prome minister a manda un mensahe pa Maduro, advertiendo e pa keda for di teritorio di Trinidad y Tobago, ya cu cualkier barco no identifica cu drenta e awanan di Trinidad y Tobago lo ser enfrenta cu forsa mortal.

Persad-Bissessar a recorda declaracionnan di Maduro y Minister di Husticia Venezolano Diosdado Cabello, na momento cu el a declara cu su gobierno lo tuma cualkier menasa na serio y a keda solidario cu Merca.

Maduro a afirma cu un grupo di homber arma a purba drenta Venezuela for di Trinidad y Tobago cu “armanan di guera”.

E prome minister a bisa cu e por a bisa “categoricamente” cu no tabatin ningun tipo di evidencia pa valida esaki na e momento aki.

Persad-Bissessar tambe a tuma nota di informenan di medionan di comunicacion den cual Cabello a afirma cu un ciudadano di Trinidad y Tobago identifica manera “Kendel Jheron” supuestamente a ser captura den e grupo aki. (Cabello a identifica e homber manera “Guis Kendell Jerome”).

Persad-Bissessar a insisti cu no tin prueba pa sostene e comentarionan di e funcionarionan Venezolano.

Persad-Bissessar a bisa: “Awe, mi kier haci bon cla na e gobierno y oficialnan Venezolano, cu nan por haci loke nan kier riba teritorio di Venezuela, pero nan no por bini aki. Teritorio di Trinidad y Tobago ta off-limits pa nan. Si e comentarionan di Sr. Cabello ta un menasa implicito pa drenta teritorio di Trinidad y Tobago, nan mester reconsidera cualkier intencion asina.”

Den un contesta dia 6 di juni, e gobierno di Venezuela a emiti un comunicado cu ta bisa cu e comentarionan di Persad-Bissessar tabata “rabia y inhustifica”.

“E actitud violento y arogante di e prome minister ta lanta sospechonan serio di complicidad … i ta mina e bon relacionnan cooperativo entre nos paisnan den areanan clave,” e declaracion a bisa.

E comunicado tambe a afirma cu Venezuela “a captura criminalnan di origen Trinidadiano” cu a confesa na e supuesto expedicion.

Caracas a bisa cu e declaracionnan di e hombernan tabata “debidamente sosteni cu evidencia convincente”.

Dialuna ultimo e minister di Relacionnan Exterior y di Caricom Sean Sobers a reuni cu embahador di Venezuela Álvaro Sánchez Cordero, unda a hiba discusion riba e tema.

Sobers tambe a detaya e pasonan diplomatico cu su ministerio a tuma pa obtene informacion di gobierno Venezolano desde siman pasa, incluyendo mandamento di dos nota diplomatico. E minister a bisa Trinidad Express diamars ultimo cu e embahador no a presenta ningun prueba pa sostene e acusacionnan haci, y el a compromete di regresa cu informacion.