Dialuna mainta na e rotonde di Pos Chikito a sucede un accidente entre un truck carga cu santo y un pickup. Polis di biaha ta yega na e sitio y topa cu un truck den banda completamente y basta santo riba caminda benta, a notifica DOW di biaha e caso aki. E chauffeur di e truck tambe a resulta herida y a solicita ambulance pa presenta y atende cune.
A constata cu den e birada riba e rotonde e chauffeur di e truck a mira e pickup laat y a mishi cu e pickup perde control y bolter.
Un chubato a presenta di biaha na e sitio pa asina lanta e santo aki y bente den un truck di e compania cu a presenta pa duna un man. A haci e trabounan lo mas pronto posibel pa asina e caminda habri bek y nan a logra pone e truck bek riba su wielnan.
