(Infobae) – E presidente di Merca a manda un mensahe cla algun ora prome cu e comienso di e negociacionnan cu e regimen di Iran na Islamabad. Vice-presidente JD Vance ta lidera e team negociador rumbo pa Pakistan.

Pa ataca Iran di nobo den caso cu e negociacionnan na Pakistan fracasa, presidente Donald Trump a adverti diabierna den un entrevista cu New York Post.

“Nos ta rearmando. Nos ta cargando e barconan cu e miho municion, e miho armamento produci; mas miho cu esnan cu nos a usa anteriormente, cu cual nos a destrui nan completamente”, e presidente Republicano a agrega.

“Y si nos no yega na un acuerdo, nos lo usa nan; y nos lo usa nan cu hopi efectividad”, el a expresa.

Despues el a bisa cu Iran “no tin carta mas pa hunga” cu control di e Estrecho di Hormuz. “Iraninan no ta realisa cu nan no tin otro opcion cu extorsiona mundo a corto plazo usando rutanan maritimo internacional. E unico motibo pa cual nan ainda ta bibo awe ta pa negocia!”, Trump a bisa.

Den un mensahe cortico y misterioso publica algun ora prome riba su red social Truth Social, Trump a referi na “E REARMAMENTO MAS PODEROSO DEN MUNDO!!!”.

Vicepresidente JD Vance a bay diabierna Islamabad pa lidera e delegacion Mericano den negociacionnan cu Iran cu lo tuma luga fin di siman, y a manda un advertencia na Teheran pa no “hunga” cu Washington.

“Nos lo trata di mantene un negociacion positivo”, el a bisa periodistanan prome cu su salida for di Joint Base Andrews.

“Si e Iraninan ta dispuesto pa negocia den bon fe, nos tambe ta dispuesto pa duna un man. Si nan purba di engaña nos, e equipo negociador no lo ta hopi receptivo”, el a adverti.

E propuesta di 15 punto di Washington ta enfoca riba e uranio enrikeci di Iran y reapertura di e Estrecho di Hormuz. Teheran a responde cu un plan di 10 punto cu ta pidi control di e estrecho, un ruta pa barconan cu pasa, paro den tur operacionnan militar regional y relahacion di tur sancionnan.

Libanon tambe ta un punto di friccion importante. Israel a continua su atakenan den e pais contra Hezbollah — despues di entrada di e acuerdo pa stop combate — y e prome minister Israeli Benjamin Netanyahu a rechasa e afirmacion di prome minister di Pakistan Shehbaz Sharif cu e tregua tabata inclui Libanon.

E vice-presidente Mericano a usa un tono mas conciliador, bisando cu lo por a tin un “malentendido legitimo” di parti di Iran tocante inclusion di Libanon den e tregua. Fuente Irani tambe a bisa medio local cu Teheran no lo atende e negociacionnan si no tin un acuerdo pa stop combate estableci na Libanon.

E presidente Irani, Masoud Pezeshkian, a adverti riba X cu e atakenan Israeli riba Libanon ta haci cu e negociacionnan no tin sentido.

Iran tambe a rechasa pa sede na exigencianan di Washington tocante su programa nuclear.