Presidente Mericano Donald Trump a declara diabierna cu e pasenshi di Merca pa e regimen di Norte Korea ta cabando.
“E area di strategia di pasenshi cu regimen di Norte Korea a faya,” Trump a bisa den un declaracion desde Rose Garden, agregando cu “Honestamente, e pasenshi a caba.”
E remarkenan aki tabata e señal recien cu Trump ta birando hopi frustra cu e falta di progreso den entre otro stop e programa nuclear di Norte Korea. Esaki ta algo cu autoridadnan Mericano tin algun luna ta analisando for di cerca. Trump a adverti diabierna cu Merca ta enfrentando “un menasa di un regimen brutal y sin control na Norte Korea” cu tampoco tin “ningun consideracion pa siguridad di nan ciudadanonan of nan bisiña. E presidente a laga sa cu Merca lo continua di actua pa defende interes Mericano y di nan aliadonan den e region.
