WASHINGTON – Presidente Trump a bay California pa asina sigui pusha pa haci e siguridad di frontera un tema central di su campaña pa reeleccion na 2020.
Presidente Trump, papiando cu reportero ora el a sali di Cas Blanco, a nenga cambia di cambia su opinion tocante ceramento di e frontera cu Mexico, un menasa cu el a rechasa riba diahuebs.
E mandatario a bisa cu a cambia di rumbo pa motibo cu Meixco a bin cu un medida mas fuerte pa stop migrantenan bayendo nort. “Mexico ta absolutamente fantastico durante e ultimo 4 dia, nunca mi a cambia di opinion en absoluto. Por ta cu mi cera e frontera na algun momento”, el a bisa ora e tabata pone presion riba congreso, pa nan actua.
El a dirigi e ciudad di Calexico, na sur di California, pa reuni cu e funcionario local encarga cu cumplimento di ley, y core un seccion di cerca, reciente construi pa asina evita famia di migrante bin na Merca a e ultimo luna. “Mi ta dirigi na e frontera, nos ta construyendo hopi muraya y hopi cosnan positivo ta pasando”, presidente Trump a bisa.
E frontera tin casi 2000km di largo y tin 650km di diferente tipo di barera, incluyendo baricada corta pa auto y cerca di acero halto cu ta yega 30 pia di haltura.
