(AFP) – Presidente Mericano Donald Trump a delete un imagen publica riba rednan social despues di indignacion di lidernan religioso cu e tabata practicando blasfemia.
E imagen publica riba Trump su Truth Social tabata demostra su persona den bata cora y blanco, ta mishi e frenta di loke ta parce di ta un homber malo y cu luz ta briya for di su mannan y su cabes.
Un bandera Mericano tabata zwaai den background mientras varios figura tabata wak ariba na e presidente den reverencia.
E potret traha cu AI a keda publica diadomingo atardi y a kit’e dialuna.
Ora a puntra tocante e publicacion, Trump a rechasa cu e tabata purbando di mustra manera Jesucristo. “Mi a public’e y mi ta kere cu tabata ami como un dokter y mi mester a haci Cruz Cora,” el a bisa reporteronan. “E ta supposed di ta ami como un dokter, ta haci hende sinti miho y mi ta haci hende sinti miho. Mi ta haci hende sinti hopi miho.”
E publicacion a genera indignacion for di un serie di Cristian conservativo prominente cu tabata entre e sostenedornan mas grandi di Trump. “Mi no sa si e Presidente a pensa cu e tabata pret of si e ta bao influencia di algun substancia of ki posible splicacion e por tin pa e blasfemia aki,” Megan Bashamm, un reportero conservativo y comentarista a publica riba X. “E mester delete esaki inmediatamente y pidi pordon for di pueblo Mericano y despues di Dios.”
Trump anteriormente a usa imagennan religioso den su publicacionnan. Durante su huicio di fraude di banco den 2023, el a comparti un pintura di un sostenedor cu tabata mustra su persona sinta banda di Jesus den corte.
Su conseheronan tambe den varios ocasion a ilustra su persona como den un rol similar na Jesus,
Durante un evento di almuerzo pa Pasco na e Cas Blanco anteriormente e luna aki, Paula White-Cain, un televangelista cu tabatin e funcion di su consehero spiritual, a compara Trump na Jesus. “Bo ta traiciona y aresta y falsamente acusa. E ta un patron similar na esun di nos Senor y Salbador.”
