(AFP) – Presidente Mericano, Donald Trump ayera a elogia Marine Le Pen como e “voz conservador” di Francia despues di disturbio, pero no a expresa sosten pa e faborito derechista den eleccion presidencial Frances otro aña.
Comentarionan di Trump a yega despues cu el a usa ripitidamente e protestanan sacudiendo Francia pa anota punto politico na cas tocante inmigracion y e hala iskierda prome cu eleccion di midterm Mericano otro luna.
“Wel, mi no conoc’e, mi no a topa cune, pero mi a pensa cu el a ricibi mal trato. E lo mustra manera usa como arma pa mi,” Trump a bisa den Oficina Oval ora un reportero di AFP a puntra si e lo duna sosten pa Le Pen pa e presidencia.
Le Pen, 58, a keda condena pa corupcion pa un corte Frances na maart 2025.
Inicialmente e tabata prohibi di politica pa cinco aña, pero un corte di apelacion e aña aki a habri caminda pa e postula den eleccion 2027 como sucesor di presidente Emmanuel Macron.
Trump mes a keha di e supuesto uso di sistema Mericano di husticia como un arma politico, despues cu el a bira e prome presidente Mericano cu ta un condenado criminal, den un caso di placa pa silencio involucrando un actriz adulto.
“E lo mustra pa mi manera, bo sa, e tabata liderando. Pero despues di esaki (e disturbionan), e ta definitivamente – e ta e voz conservador,” Trump a bisa.
E lider Mericano, di 80 aña di edad, tambe a referi na su sosten exitoso di varios figura derechista den eleccion reciente na Sur America.
Trump a continua cu e narativa di su gobierno tocante e disturbionan Frances, cu a culpa en gran parti riba inmigracion masal. “Esey no tabata un tiki disturbio, esey no tabata un tiki protesta, esey tabata un revolucion completo, y e ta continua,” Trump a bisa.
Trump a lansa un critica largo tocante Francia na un rally pa midterm dialuna na Kansas, bisando cu e republica tabata siendo “conkista, sakia y kima te na suelo pa migrante, jihadista y comunista.”
