‘Tur cos ta indica cu gobierno lo prolonga CAft cu medidanan’

Parlamentario Mervin Wyatt-Ras(AVP)

Segun Mervin Wyatt-Ras nos pueblo mester ta alerta cu e gobierno aki cu ta parce di kier baha normanan di CAFT cu sigur lo tin su consecuencia den forma di medidanan pa nos pais. E parlamentario di AVP, recientemente a trece cierto informacion y su opinion padilanti encuanto e reunion u parlamento tabatin cu CAFT( Commissie Aruba financieel toezicht). Gobierno anterior a cumpli cu e normanan den ley, e asina yama LAFT cu ta reglamenta e supervision financiero.

Nos tur por corda con tanto e actual minister presidente como e minister di financia tabata yora na Hulanda pa pone gobierno anterior bao supervision y a logra esaki na aña 2015. Tambe awor nan ta sigui yora pa pidi CAFT por fabor pa duna nan mas tempo pa entrega e presupuesto di aña 2018 y pa entrega nan plan di maneho mas laat. E siman aki nan ta supone di entrega dicho plan. Te hasta por saca afo cu nan a palabra cu CAFT cu deadline pa trata e presupuesto 2018 ta 30 di april. Sra. Wyatt-Ras y su fraccion pa a bin tende di e deadline aki via otro medionan sin cu Parlamento a ser envolvi pa gobierno MEP-PORRED. Kiermen tur loke nan a critica AVP di dje awe nan ta cuminsa cu palabra asuntonan riba cabes di Parlamento sin envolvi Parlamento. Anto e stempel parlement MEP-POR-RED lo aproba toch.

Sr. Wyatt-Ras por a nota alaves cu su expresionnan y critica no a cay den bon tera y a manda e parlamentario nobato Vrolijk pa bin atake na un forma baho. Sr. Vrolijk ta haci manera ta den klas e ta pa insulta sra. Wyatt-Ras manera e ta haya ta bon. Sra. Wyatt-Ras cu tin añanan den politica nunca no a uza metodonan baho pa trece loke e tin cu trece padilanti. Sra. Wyatt-Ras ta critico hasta cu gobierno cu el a sostene. Pero tin hende aunke nan ta nobo nan no ta informa nan mes pero manera mucha manda ta sali contesta. Sra. Wyatt-Ras ta constata cu e gobierno cu a inventa e palabra mega-debe awe ta scoge pa haci mas debe pa pais Aruba.

Sra. Wyatt-Ras kier tende di gobierno kico nan lo bay haci concretamente pa nos pais. Sin embargo te ainda nada ta sali afo. Solamente comisionnan ta ser lanta y Na luga di goberna cu menos minister e minister presidente ta gaba cu el a ta kita hende humilde for di trabou, kitando e posibilidad di e famianan aki di pone pan ariba mesa di nan famia, creando asina desempleo y pobreza den nos comunidad.

Di otro banda por tende y mira cu famia y amigonan ta ser nombra cerca di e ministernan

You May Also Like

UPP/PPA: ‘Swiss-Model ta un modelo inhumano of un necesidad?’

Na aña 1986 Aruba a logra su Status Aparte. E fecha memorabel aki a ...

‘Mester cambia actitud riba consumo di alcohol bou nos hendenan’

Parlamentario Sue Ann Ras (MEP): Den e conferencia di prensa ultimo, parlamentario di MEP, ...

MEP: ‘Mamanan soltero ricibiendo bijstand mester haya miho opcion pa progresa’

Actualmente un di e gruponan mas vulnerabel ricibiendo bijstand na Aruba ta mamanan soltero; ...

PPA: ‘Man pisa bahando riba Gab. Mike Eman poco poco pero sigur’

E investigacion rond di ministro Paul Croes ta birando mas y mas cayente mientras ...

‘Awe Dowers su number ta hunga’

Dowers ta reta y nos ta cumpli. PAXI di Patrick Paskel y Xiomara a ...