Turismo a baha cu 11,9% te cu april


Ultimo cifranan di Aruba Tourism Authority (ATA) ta mustra cu e turismo ta sigui baha na Aruba: di januari te cu april 11,9% menos compara cu e mesun periodo aña pasa.

 ATA ta duna e cifranan di april unda ta mustra cu e cantidad di turistanan compara cu april 2016 a baha cu 1,9%, locual ta 1.908 bishitante menos. E aña aki 360.480 turista a bishita nos isla. Positivo segun e agencia ta cu e turismo for di nos mercado principal ta aumentando. Na april turismo for di Merca a subi cu 13,1% compara cu april aña pasa. For di Canada 28,4% mas turista a bin Aruba.

En general turismo for di Norte America a crece cu 13,9% na april. Pa e prome 4 lunanan, e continente aki a subi cu 9,3% pa turismo pa Aruba.

Latino America a baha cu 40,4% di cual Venezuela a baha cu 63,9% compara cu april aña pasa. Colombia a subi cu 94,9%. Pa e prome 4 lunanan, turismo procedente di Latino America a baha cu 53,8%. Pa loke ta Europa por nota un aumento di 31%. Hulanda a aumenta cu 9,5%, y Gran Britania a aumenta cu 162,2%. Pero mester tene na cuenta cu Europa ta cubri solamente 7,4% di turismo pa Aruba di e total (Merca:72,3% y Latino America: 17,4%)

Pa e prome 4 lunanan, Europa a trece 10,8% turista mas pa Aruba compara cu e mesun temporada na 2016.

Turismo crucero
Durante april 2017, 63.221 pasaheronan crucero a bishita nos destinacion riba un total di 28 diferente barconan crucero, segun ATA. Compara cu luna di april aña pasa, turismo crucero a crece cu 25% (april 2016 Aruba a haya 50.579 bishitante for di 26 crucero). En total pa e prome 4 lunanan di 2017, Aruba a ricibi 344.144 pasaheronan crucero for 151 diferente barco, un aumento total di 4,2%.

Hotelnan
Segun Aruba Hotel and Tourism Association (Ahata) pa e luna di april, e ‘Average Daily Rate’ (ADR) a aumenta cu 16,9% compara cu april 2016. Esaki den cifra ta US$ 215,46 na 2016 compara cu US$ 251,94 pa 2017. E rendimento pa camber disponibel, e asina yama RevPAR a aumenta cu 26,9% di US$ 170,96 na 2016 pa US$ 217,02 na 2017. E anochinan ocupa pa camber a aumenta cu 10,3%.

E cifranan menciona akiriba ta consecuente e hecho cu Semana Santa tawata na april compara cu aña pasa cu e tawata na maart. En conexion cu esaki, en general e prijs pa camber ta mas halto na april cu na luna di maart. Ademas, Tropicana Resort & Casino a habri 53 camber adicional na fin di december 2016, cual ta aumenta e cambernan disponibel pa april 2017 compara cu e mesun luna di aña pasa.

Aruba den region Caribense
No obstante e caida di e mercado Venezolano, Aruba su turismo ta permanece stabil y pa cu e prome 4 lunanan di 2017. Aruba –den comparacion cu Barbados, Cancun, Cayman Islands, Curaçao, Dominican Republic, Jamaica, Puerto Rico y United States Virgin Islands ta sobresali den Caribe como un di e destinacionnan mas exitoso debi na un averahe di ocupacion di cambernan di hotel cu 85.5%. Ademas Aruba a sobresali pa loke ta rendimento pa camber disponibel cu un crecemento di 10.5% den RevPar te cu april 2017, asina ATA ta bisa.

 

You May Also Like

‘Lo bin cu agentenan extraordinario pa reforsa leynan riba tur nivel’

Hopi biaha por scucha comentarionan cu tin mas ley na Aruba cu tin control. ...

The Olive Tree na Cumana

Aurora a cumpri The Olive Tree cu a bay na vindishi

Aurora Funeral Home a cumpra The Olive Tree na Cumana cu a bay na ...

8dowers maneho prizon (1).JPG

Maneha un prizon moderno ta mas eficiente cu maneha prizon di Aruba

Minister di husticia di cada pais den Reino, ta responsabel pa e situacion di ...

Edificio-SIAD.jpg

Dia 31 di maart ta ultimo dia pa paga e di dos kwartaal di impuesto pa vehiculo di motor

Departamento di Impuesto kier recorda tur doño di vehiculo di motor cu diahuebs awo, dia ...

1jul, NW, edmundo marling (3).JPG

Edmundo Marlin: Trahadonan no ta di acuerdo cu procedura di gobierno pe reorganisacion di IBiSA

Ayera mainta durante e welga cu algun trahado di IBiSA tabata tin, e sindicatonan ...

DAS: Cada mucha ta desaroya den su mesun tempo; Punto basico 3 di e vision pedagogico “Sea realistico”

Na 2016 a institui un comision consistiendo di e siguiente organisacionnan: Tienda di Educacion, ...