FILE - This April 26, 2017, file photo shows the Twitter app on a mobile phone in Philadelphia. Twitter will now prohibit hate speech that targets religious groups using dehumanizing language. The social network already bans hateful language related to religion when it's aimed at individuals. The change broadens that rule to forbid language that likens members of religious groups to subhumans or vermin. (AP Photo/Matt Rourke, File)

Twitter a duna mas detaye tocante su plan pa elimina cuentanan inactivo den proximo lunanan. Prome, e compania ta bisa cu e proceso ‘ta impacta cuentanan na UE so, te awo’. Mas importante, Twitter a reconoce cu no por djis elimina cuentanan te ora haya un manera pa preserva esunnan di hende cu a fayece.

“Nos a scucha bo riba e impacto cu esaki lo tin riba cuentanan di fayecidonan. Esaki ta un fout di nos banda”, e compania a tweet ayera. “Nos no lo elimina ningun cuenta inactivo te ora nos por crea un manera nobo pa hende honra cuentana.” Emailnan manda pa Twitter diamars a adverti cu cualkier cuenta cu ta inactivo pa mas di seis luna lo por ser elimina si clientenan no log in prome cu dia 11 di december. Awo por supone cu e fecha a cambia.

Facebook ta ofrece un manera pa cuentanan por ser honra despues cu e doño a fayece. Twitter ainda mester ofrece algo asina, pero un vocero a bisa cu ‘e team ta pensando riba maneranan pa haci esaki.’, Awo e compania ta primintiendo cu no lo cuminsa elimina cuentanan (y liberando nomber di usuario) te ora cu e sistema aki ta implementa.

Despues di e anuncio inicial, cantidad di persona inmediatamente a menciona e posibilidad di perde acceso na cuentanan bieu di amigonan, partner, miembro di famia, celebridad y otro usuarionan influyente cu a fayece.

Maske Twitter ta bisa cu eliminacion di cuenta lo enfoca riba Union Europeo pa cuminsa – pa motibo di regulacion di General Data Protection Regulation (GDPR) – e lo por expande eventualmente na otro paisnan. “Nos lo por amplia cumplimento di nos politica di inactividad den futuro pa cumpli cu otro regulacion rond mundo y pa sigura integridad di e servicio”, Twitter a bisa. “Nos lo comunica cu tur di boso si nos haci esaki. Nos ta pidi dispensa pa e confusion y preocupacion cu nos a causa, y nos lo tene boso informa.”

Ora Twitter evenualmente yega na implementa e politica di inactividad, un cantidad di nomber di usuario probablemente lo ta disponibel como resultado di e cuentanan inactivo siendo elimina. Esey ta lo positivo di e cambio aki, maske hopi hende tambe por spera di mira nan cantidad di siguido baha mientras e cuentanan ta cuminsa desaparece.

LEAVE A REPLY

Please enter your comment!
Please enter your name here