Uber sin responsabilidad penal pa morto den accidente di auto autonomo

ESTADONAN UNI – Fiscal a determina diamars cu Uber no lo wordo haci criminalmente responsabel pa e morto di un peaton na Arizona na maart aña pasa. Un di e vehiculonan autonomo di e compania a dal Elaine Herzberg, di 49 aña di edad, kende despues a fayece pa motibo di su heridanan.

“Despues di un revision profundo di tur e evidencia presenta, e oficina aki a determina cu no tin base pa lanta responsabilidad criminal pa e corporacion Uber”, abogado di Yavapai County, Sheila Sullivan Polk, a bisa den un carta.

Uber a nenga di duna comentario.

Polk a pidi pa mas investigacion riba e video ‘dashcam’ di e accidente, y di kico e chauffeur di apoyo, kende lo enfrenta cargonan di homicidio vehicular, por a mira durante e accidente. Polk no tabata disponibel pa comentario.

Vehiculonan autonomo tin un chauffeur di apoyo pa interveni den caso di emergencia. Polis a bisa Reuters cu e chauffeur den e incidente aki tabata mirando un episodio di The Voice na momento di e accidente, y no tabata mirando e caminda.

 

You May Also Like

Encuentro historico entre nort y sur Korea

PYEONGCHANG, South Korea (AP) — Tabata un momento historico, y esaki a pasa prome ...

image.jpg

New Mexico: A detene 3 hoben gara cu mascarada di payaso y arma di candela

Cuerpo Policial na Albuquerque, New Mexico ta bisa cu tres persona bisti manera payaso ...

_91964104_035915034-1.jpg

Venezuela referendum: Corte ta haci dificil pa elimina Maduro

E popularidad di presidente Venezolano Nicolas Maduro a bay hopi atras, pero e ta ...

Papa Francis

Papa Francis ta pidi mundo pa paz y reconciliacion

Den su mensahe di Pasco Papa Francis ta adresa guera, terorismo y crisis di ...

Ministernan a keda sin manda carta di Rhuggenaath pa Rutte

WILLEMSTAD –  Un carta traha den seno di Hunta di Minister, dirigi pa minister ...

1373128_630x354.jpg

Pareha Mericano acusa di purba bende un baby

Un homber y un muhe den Merca a wordo deteni pa intenta di bende ...