(USAToday) – Ucrania ta bisa cu a yega na un acuerdo cu Rusia pa crea ‘safe corridors’ sosteni pa alto al fuego y entrega di ayudo mientras un segundo ronda di negociacionnan a cuminsa diahuebs memey di e atake feroz di Rusia contra su bisiña.
Oficialnan di ambos pais ta reuniendo na Belarus mientras e guera a drenta su segundo siman. Presidente Ruso, Vladimir Putin a exigi pa Ucrania acepta ‘desmilitarisacion’, declara su mes neutral, y retira su campaña pa join NATO.
Anteriormente ayera, presidente Frances, Emmanuel Macron a papia riba telefon cu Putin pa 90 minuut, y awo ta kere cu ‘lo pio ainda ta na caminda’, segun un persona cercano na Macron a bisa France24. Putin supuestamente a priminti di ehecuta un ‘lucha intransigente’ na Ucrania.
E ciudadnan principal di Ucrania a bin bao bombardeo pisa, segun un oficial senior di Departamento di Defensa a bisa ayera. Alrededor di 90 porciento di e 150mil forsa di combate cu Putin a manda na fronteranan di Ucrania awo ta den e pais, segun e oficial, kende a describi e movementonan militar bao condicion anonimo.
Ciudadnan den sur ta tumando lo pio di poder Ruso. Mas den nort, un convoy Ruso di 40 miya cu destinacion Kyiv a keda para alrededor di 15 miya pafo di e ciudad capital pa dos of tres dia, e oficial a bisa. Forsanan Ruso a acerca Kharkiv, e segundo ciudad mas grandi di Ucrania, atacando areanan residencial. No ta cla si nan a ataca civilnan, e oficialnan a bisa.
Mientras tanto, Rusia a tuma control di un ciudad Ucraniano crucial pa produccion di energia, y tambe un waf.
Riba potret:
(1) Mapa di e zonanan na Ucrania controla pa Rusia.
(2) Restonan di un misil Ruso riba caya di Ucrania.
