Soca Prefinals ta tuma lugar dia 11 y 12 di november 2026
E competencia musical y festival mas grandi di Aruba ta yegando mas cerca y pa e motibo aki Stichting Musica kier recorda tur Band Leaders y Artista riba e ultimo dia di inscripcion, cual ta diahuebs awor, 29 di oktober.
Segun e reglamento di Aruba Caiso & Soca Monarch 2027 tur letra y informacion di banda por ser entrega te cu November 6, 2026. Pues dos fecha importante pa tene cuenta cu ne.
Tur Band Leader a ricibi invitacion pa e ultimo reunion cu Stichting Musica lo tene cu Band Leaders prome cu e evento, na unda lo repasa tur ultimo detayes tecnico y preguntanan cu por tin. Pa pregunta of mas informacion por tuma contacto via: stichtingmusica@gmail.com.
Aruba ta keda cordialmente invita pa celebra e inicio di nos temporada Carnavalesco na Aruba Caiso & Soca Monarch su Soca Prefinals riba dia 11 y 12 di November 2026 na Centro di Bario Brazil.
