Departamento di infrastructura y planificacion ta informa pa henter comunidad cu esaki ta e ultimo siman pa entrega e ‘zienswijzen’ pa e ley di ROPV. Tambe siman binidero lo cuminsa e di dos ronda di audiencia (‘hearing’).

Director di DIP (departamento di infrastructura y planificacion) ta informa henter comunidad riba e ultimo oportunidad pa entrega e zienswijzen pa e ley di ROPV. Te awo, a haya 5 for di comunidad y ta spera mas pa e siman aki.

Croes a duna di conoce cu dia 1 di december proximo, nan ta cera y ta cuminsa traha bek dia 3 di december, cu e di dos ronda di audiencia. E prome audiencia ta den sede di DIP di 4or pa 6or di atardi. Dia 5 y 6 di december lo ta 9or te cu 11or di mainta. Pa dialuna 9 di december ta bira di 4or te cu 6or di atardi.

Pa tur persona cu a haci entrega di nan modificacion, por bay na fecha menciona y ricibi cualkier informacion cu nan falta. Pa esunnan cu kier informacion individualmente lo mester haci afspraak y dos persona di DIP lo tuma 20 minuut pa duna informacion.

Croes a finalisa bisando cu ta spera pa hende por haci bon uzo di e proceso aki, pa despues analisa tur locual wordo papia y asina evalua cualkier cambio y locual mester añadi pa e ley. For di esaki lo bin e proceso di adaptacion.

 

 

 

LEAVE A REPLY

Please enter your comment!
Please enter your name here