(AP) – Prinses Diana a regresa Paris den wax diahuebs ora cu un di Europa su museo di wax mas bieu a revela un figura nobo di e Realesa Britanico den e asina yama “revenge dress,” decada despues di su morto tragico den e ciudad.
E estatua a ser pidi na Paris despues cu e director di Grevin Museum a bishita Londres y a bay decepciona cu e semehansa di Diana na Madame Tussauds, causando cu el a comisiona su propio version segun oficialnan di e museo.
Grevin su figura di tamaño real – y hopi convincente – di e difunto Prinses di Wales ta bisti den un replica di e shimis preto cu Diana a bisti na un evento na Serpetine Gallery na Londres den 1994. E tabata e mesun anochi cu Rey Charles III – e tempo aki Prins Charles – a reconoce riba television cu e comete infidelidad cu Camilla Parker Bowles, awo Reina Camilla.
Pa Paris, e tributo ta carga un peso extra – “Lady Di” pa e Francesnan, ken te ainda ta usa e nomber cu afecto aunke el a pasa mayoria di su bida publico como un prinses – a fayece despues di un accident den auto den un tunel cerca di Seine den 1997, un fayecimento cu a yuda inmortalisa su persona den imaginacion di Paris, unda te ainda e ta presente den e flornan y notanan skirbi na man laga na sitionan pa conmemoracion informal.
Oficialnan di e museo a nota cu e revelacion a sucede riba e di 30 aniversario di un entrevista explosivo cu Diana a duna na BBC “Panorama,” cual observadornan ta bisa a causa un golpi den e monarkia y e Reina.
Algun observador a nota tambe con e museo su invitado real mas nobo tabata posiciona leu for di esun di su ex casa famoso y suegra.
Novelista Frances Christine Orban, ken a skirbi “Mademoiselle Spencer,” un novela imagina for di Diana su punto di bista, a bisa cu e figura tabatin hopi tempo spera.
El a yama e shimis preto un punto clave den Diana su storia.
“E shimis ta hopi significante di su liberacion pa motibo cu den e famia Real, preto ta bisti solamente pa funeral, y despues asina un shimis ‘sexy’ pa e Prinses di Wales, wel, esey no ta comun tampoco,” el a conta. “Pues e ta dicidi di bisti hilchi y Louboutin. Bay Serpetine Gallery pa haci un impresion, pa su potret ser saca.”
Grevin, funda den siglo 19, tin hopi tempo ta yena cu lidernan politico, artistanan, figuranan di cultura pop y tambe Realesa Britanico. Diana ta e mas recien den un cantidad creciente di streanan agrega na e museo pa refresca e coleccion y impulsa bishita na e sitio cu a atrae alrededor di 700.000 bishitante den añanan recien.
Noticia di e revelacion a filtra na Paris, te hasta prome cu mayoria hende a logra bay bishita esaki.
Diana lo ta den bon compania. Curadornan a pon’e banda di otro Realesa prominente cu a fayece na Paris – aunke siglonan prome: Marie Antoinette.
