(AP) — Un fotografo di fauna salvahe a topa inesperadamente cu un di e coleccionnan di ‘footprint’ di dinosaurio mas bieu y mas grandi cu ta conoci, cu ta data for di mas o menos 210 miyon aña pasa, for di e Periodo Triasico, halto den montaña den un parke nacional Italiano cerca di e sede di e Olimpiada di Winter Milan–Cortina 2026 na Bormio, oficialnan a anuncia diamars.
E descubrimento den Parke Nacional Stelvio tabata impactante pa e cantidad enorme di footprint, calcula di ta casi 20.000 riba mas o menos cinco kilometer, y pa e ubicacion cerca di e frontera cu Suisa, un area costero prehistorico cu nunca antes a produci marca di dinosaurio, segun expertonan.
“E biaha aki realidad di berdad a supera fantasia,” Cristiano Dal Sasso a bisa, un paleontologo di e Museo di Historia Natural di Milan, cu a ricibi e prome yamada di e fotografo di fauna salvahe Elio Della Ferera despues cu el a haci e descubrimento.
Expertonan ta kere cu e footprintnan di dinosaurio a bin di herbivoronan cu tabata cana riba dos pia, cu nek largo y cu por a yega te 10 meter di largura y pisa te cuatro tonelada, similar cu un Plateosaurus, segun Dal Sasso. Algun di e footprintnan tabata 40 centimeter hancho, cu huña visibel.
E footprintnan a indica cu e dinosaurionan tabata biaha den grupo y cu nan a para tin biaha den un formacion circular, posiblemente como un medida di proteccion.
“Tin marca cla di individuonan cu a cana riba un paso lento, calma y ritmico, sin core,” Dal Sasso a bisa durante un conferencia di prensa.
E footprintnan a ser descubri pa Della Ferera, ken a bay saca potret di animalnan na september, ora cu su camara a cay riba un muraya vertical mas o menos 600 meter riba e caminda mas cerca.
E ubicacion, cu ta situa entre 2.400 y 2.800 meter riba nivel di lama, riba un muraya cu ta mira panort cu casi semper ta den sombra, a haci e footprintnan — cual ainda por a mira claramente — specialmente dificil pa nota sin un lens hopi fuerte, segun Dal Sasso.
Della Ferera a bisa cu algo straño a hala su atencion, y cu el a scala un muraya di piedra vertical cu bastante dificultad pa por mira mas cerca.
“E sorpresa grandi no tabata tanto e descubrimento di e footprintnan, sino e descubrimento di un cantidad asina grandi,” Della Ferera a bisa. “Tin berdaderamente dies miles footprint ey riba, mas o menos bon conserva.”
E entrada di e parke, caminda e footprintnan a ser descubri, ta situa apenas dos kilometer for di e pueblo montañoso Bormio, caminda lo celebra ski alpin masculino durante e Olimpiada di 6 te 22 di februari.
Gobernador regional di Lombardia, Attilio Fontana, a elogia e descubrimento como un “regalo pa e Olimpiada,” hasta si e sitio ta demasiado isola pa por alcansa den winter, y no a traha plannan pa acceso publico ainda.
