Un morto pa keintura na estado di Rio de Janeiro

Autoridad sanitario di estado Rio de Janeiro (suroeste di Brasil) a confirma e prome morto pa keintura geel na e region, cu a sucede na municipio di Casimiro de Abreu, na 130 kilometer di capital di estado.

E victima tabata un homber di 38 aña, cu no a biaha den ultimo aña pa ningun lugar, unda a registra caso di keintura geel na e pais ey, comunicado di secretaria di salud regional a a bisa. E caso a origina cu secretaria a anuncia un medida nobo, “manera un campaña di  vacunacion cu a ser anuncia pa henter estado,” y cu tabata planea pa cuminsa na fin di luna di maart.

Hunto cu e fayecimento di persona ey na Rio de Janeiro, autoridad a confirma tambe otro caso di transmision di e malesa na mesun municipio, di un persona cu no a biaha pa ningun area cu ta conoci como “area di contagio”. E region na sureste di Brasil ta bibando un epidemia di keintura geel cu a laga mas di 100 morto desde inicio di e aña aki, mayoria di nan na estado di Minas Gerais, na frontera cu Rio de Janeiro, Sao Paulo y Espirito Santo, entre otro estado cu a registra mas fayecimento pa e virus aki caba.

Autoridad sanitario di Rio de Janeiro a anuncia durante fin di siman cu nan kier invita henter poblacion di Brasil, pa bay vacuna contra malesa di keintura geel, pero e fayecimento di e prome victima a acelera e medida aki. “Gobierno a entrega un miyon di vacuna na 30 municipio strategico” cu ta cerca di Casimiro de Abreu y otro poblacion di frontera cu Minas Gerais y Espirito Santo. “E prioridad di campaña ta duna resistencia na henter poblacion residente, o cu ta traha den area di mondi y zona rural” nan a agrega.

E resto di municipio no ta inclui den un prome fase urgente, nan ta sigui e plan cu tabata formula prome desde su inicio, asina dentro di un par di siman tur cos ta cla pa e inicio di e campaña di vacunacion, cu lo ta dura te ultimo dianan di maart. Secretaria di salud di Rio de Janeiro a bisa den su comunicado cu “no mester di move henter poblacion pa otro municipio pa asina haya e vacuna”, pasobra lo inmunisa henter poblacion poco poco te final di e aña aki, di manera natural.”

You May Also Like

Henrique Capriles no tin paspoort mas

Mientras cu e declaracion di e embahador Chavista ta duna muestra di e division ...

Careda ilegal na 240 km/h den centro di Buenos Aires

Hopi preocupacion un video a causa cu ta mustra careda clandestino, caminda auto ta ...

Retraso den desarme di Farc den proceso de paz na Colombia

Na e momento aki ya no por cumpli cu e plasonan estableci den e ...

Piloto di avion na candela: “avion a perde ekilibrio banda drechi”

Un avion di e linea Peruvian Airlines di number OB2036P, bao mando di Denis ...

Polis a detene ex-hefe di seguridad di Pinochet pa tortura

Coronel pensiona Cristian Labbé, ex-alcalde y ex-ministro di presidente y dictador di Chile Augusto ...