Segun resumen semanal pa e siman di 31 di juli te cu 6 di augustus ultimo, di Departamento di Salubridad Publico, DVG, tocante desaroyonan di Covid-19 na Aruba, den ultimo siman epidemiologico un mucha a keda hospitalisa.

Maske DVG no a duna ningun detaye riba esaki, e departamento si a indica cu “Un total di 5 persona a keda interna den hospital durante e siman cu a pasa, di cual cuatro riba piso general y un riba pedirtria”. Asina por deduci cu un mucha a keda hospitalisa pa Covid, esta e pashent riba piso di pediatria.

Den su resumen, DVG a informa tambe cu den e ultimo siman 201 persona a recupera di e malesa causa pa e virus SARS-CoV-2, mientras cu a registra un total di 189 caos nobo di Covid-19.

Afortunadamente, ningun persona a fayece durante e siman aki. E cantidad di casonan activo ayera tabata 121.

Datonan di DVG ta ilustra casonan nobo di Covid-19 cu un averahe semanal di 27 caso positivo pa dia, y un averahe di tasa di positividad semanal di 47 porciento.

LEAVE A REPLY

Please enter your comment!
Please enter your name here