(AP) – Kokichi Akuzawa casi a rindi durante su aventura pa bira e persona di edad mas halto cu a yega di subi Mount Fuji cu 102 aña, un logro reconoci pa Guiness World Records despues cu el a yega e punta den comienso di augustus.
“Mi tabatin hopi gana di rindi mita caminda,” Akuzawa a conta The Associated Press den un entrevista recien. “Yega e final tabata dificil, pero mi amigonan a encurasha’mi y tur cos a bay bon. Mi a logra pa motibo cu asina hopi hende a duna’mi sosten.”
Akuzawa a yega e final cu su yiu di 70 aña Motoe, su nieta, su casa y su 4 amigonan for di un club di subi montaña local.
E grupo a campa pa 2 anochi riba e ruta prome cu nan subida dai 5 di augustus na e punto mas halto di Hapon su montaña mas halto, cual tin un punto halto di 3.776 meeter/
“Mi ta impresiona cu mi a subi asina bon,” el a bisa, comunicando cu e ayudo di su yiu di 75 aña Yukiko, ken ta ripiti e preguntanan den orea di su tata pa motibo cu e tin dificultad pa tende. Akuzawa a agrega cu e no ta subestima ningun montaña na su edad. “E ta miho pa bo hacie mientras cu bo por.”
E trip aki no tabata Akuzawa su prome kiebro di record na Mount Fuji. E tabatin 96 aña e prome biaha cu el a bira e persona di edad mas halto cu a yega di subi e pais su montaña mas famoso. Den 6 desde e tempo aki, el a logra bataya contra problema di curason y herida di un caida.
Akuzawa a pasa 3 luna den training prome cu el a cuminsa e subida na Fuji, lantando 5or di mainta pa caminatanan di ora largo y subiendo alrededor di 1 montaña pa siman, mas tanto cerca di Nagano Prefecture.
