(NLTimes) – Delft University su ekipo di vehiculo solar a gana e desafio di un siman largo Sasol Solar Challenge, haciendo cu e ekipo a bira campeon pa di 4 biaha di e evento.

Brunel Solar Team a sigura nan victoria pa medio di sali na di dos luga riba e ultimo dia di e desafio, den cual 9 ekipo di vehiculo solar di Sur Africa, Belgica y Hulanda ta competi.

E lider di e ekipo Sanne Vilters a yama e competencia di e aña aki “tenso,” mirando cu Brunel a competi contra otro ekiponan di vehiculo solar y e desafionan cu nobo cu a ser incorpora. “Nos a logra sigui bay dilanti y traha hunto como ekipo,” Vilters a splica.

E ultimo dia di e evento tabata na V&A Waterfront na Cape Town, Sur Africa. E ekiponan a core mas o menos 2,500 for di comienso te fin segun Sasol Solar Challenge.

“Nos kier felicita tur e ekiponan cu a participa den e Sasol Solar Challenge di aña 2022 pa e gran logro di crusa e linea final exitosamente,” Robert Walker, doño y director di Sasol Solar Challenge a expresa. “Nan a haci un gran trabao y a demostra di gran manera nan talento den ingenieria na varios diferente comunidad di Sur Africa, tur esaki mientras cu nan tabata trece dilanti e importancia di ciencia, tecnologia, ingenieria y matematica ademas di transportacion sostenibel.”

Potretnan cortesia di Sasol Solar Challenge facebook page.

LEAVE A REPLY

Please enter your comment!
Please enter your name here