5P3A8643.jpg

 

Diamars den careda di 9:10 mainta riba e caminda di Santa Cruz pazuid di e santana ta sucede un accidente di auto basta fuerte unda auto a bolter drenta cura di cas. Di biaha patruyanan ta presenta na e sitio y topa cu un nissan sentra beige A-38635 tur kibra den e cura y persona pega aden, pero un a logra sali door di ayudo di hendenan pero e otro dos damanan tabata pega. 

Segun testigo e auto tabata core duro y lo a pasa un vehiculo unda e chauffeur a perde control baha caminda na su man drechi ranca un muraya di beton di un mall y asina bolter drenta e cura di cas.

Total di tres señora tabatin den e auto. Di biaha brandweer y unidad di rescate a presenta na e sitio a haci nan trabounan necesario. Brandweer a logra corta e auto pa saca e di dos victima y e di tres no a logra debi na e impacto a fayece na e sitio. Mientras cu ambulance a transporta e dos damanan pa hospital pa atencion medico avansa. Fiscal tabata presente y personal di slachtofferhulp, rato despues dokter Mungra a presenta y a constata morto pa 9:55 am di e señora L.S.G.A naci na 1961 di 54 aña y ta biba na Caya Jose Geerman. Esaki ta bira e di 6 morto den trafico.
                         

LEAVE A REPLY

Please enter your comment!
Please enter your name here