Atencion eficaz y centra riba e pashent

ORANJESTAD – Cu hopi orguyo Urgent Care Aruba (UCA)  ta anuncia henter comunidad di Aruba cu despues di hopi esfuerso, dedicacion y un inversion den un ekipo di ultimo tecnologia, finalmente por ofrece comunidad di Aruba servicio priva di ultrasonido (Ecografia).

Actualmente ultrasonido y otro metodonan di diagnostico door di imagen ta wordo considera manera un pilar fundamental na e prome liña di atencion di e pashent pa detecta malesanan agudo y maneho di malesanan cronico.

Ecografia
Ecografia ta un estudio unda ta manda ondanan sonico cu ora nan ta pasa door di e diferente organonan di curpa  ta wordo captura manera imagen cu ta wordo mira mesora den un screening . Na Urgent Care Aruba (UCA) e dokter radioloog ta haci e procedura di ecografia y tambe ta haci e interpretacion mesora.  E bentaha di esaki ta cu e pashent ta haya su diagnostico mesora. E dokter cu ta lesa e imagen nan aki ta un dokter specialisa, y ta debidamente registra na Departamento Salud Publico di Aruba.

“Hopi hende mester acceso na un ecografia pa diferente motibo: e ta un estudio economico si ta wordo compara cu otro estudionan, no ta invasivo door cu no ta uza radiacion ionizante.” segun e Director General di Urgent Care Aruba, Dr. Carlos Yagua Jr. “Pa medio di dje por logra balora e diferente organonan di curpa manera tiroide, screening di pecho, higra, galblaas, pancreas, nier, matriz y ovario y prostaat entre otro.”

Ultimo tecnologia
Urgent Care Aruba (UCA) na Centro Medico Noord, a percura pa pone den funcionamento un unidad di ecografia di ultimo tecnologia esaki cu finalidad di ofrece un servicio integral, mas eficiente pa e pashentnan y pa dokternan por yega na un diagnostico oportuno.

E strategia general di servicio di imagennan  ta central den un obhetivo fundamental: duna e  miho atencion posibel na e usuarionan den un marco di servicio  di calidad y adecua na e normanan internacional actual. Di e manera aki Urgent Care Aruba (UCA)  ta crea un cultura di mehoramento continuo den e maneho di tur su procesonan. Tambe ta sigura cu e servicio duna na su clientenan  ta satisface e rekisitonan y expectativanan door di excelencia continuo.

Accesibel y Oportuno
No mester siman of luna nan pa haci un cita, e pashent por acudi na e centro y riba e mesun dia e por haya e servicio. Tambe e persona mes por dicidi un ora y dia cu ta cay conveniente pe.

E departamento ta disponibel pa henter comunidad di dialuna pa diasabra y den caso nan necesario cu mester haci un ecografia e centro lo ta disponibel despues di ora nan di trabao. E pashent lo haya un reporte medico detaya emiti door di e dokter radioloog unda tin splicacion di e studio haci.

E prijs di  studio aki ta uno hopi accesibel, di e manera aki UCA ta reafirma su compromiso di servicio pa henter comunidad di Aruba.

Urgent Care Aruba
Ta apenas  5 aña pasa cu Urgent Care Aruba (UCA) situa na Centro Medico Noord,  a wordo institui como un concepto nobo den servicio pa trata casonan di urgencia  y asina asisti turistanan y localnan den nan necesidad di atencion medico.

E servicio di atencion medico cu UCA ta brinda tin di haber ora cu e pashent  ta sinti su mes malo y su condicion medico no ta asina grave cu mester acudi  eerste hulp y e ta prefera no warda te mañan pa un consulta of un control medico.

Contacto
Pa mas informacion tocante prijs por comunica na telefon: +297-5860448. Of bishita e website:  www.urgentcare.aw of Facebook page: Urgent Care Aruba.