Uruguay: compensa personanan transsexual pa “daño” causa pa Estado

Gobierno di Uruguay ta considera cu transsexual naci prome cu 1975 pasobra “nan tabata expulsa nan di famia y di centronan educativo.” Pa garantisa cu nan tin entrada, 1% di contratacion nobo di e organismonan di estado mester ta trans. Romina ta Uruguayo y tin 45 aña. El a nace cu nomber Martín y cu curpa di homber, pero den  adolescencia, el a cuminsa sinti su mes muhe. El a cuminsa busca e forma di cambia di sexo, pero unico cos cu el a haya tabata rechaso.

Si e kier a hacie, e unico opcion tabata crusa frontera bay Argentina o Brasil, pero tal opcion tampoco tabata parce socialmente acepta. E tabata sinti condena social tanto riba caya como den busca trabao. Finalmente, el a logra e operacion na Montevideo cinco aña pasa. Manera su persona, tin na Uruguay 157 caso mas di hende transsexual cu ta riba 51 aña. Si inclui tur edad e cifra ta yega na 925. Awor, gobierno Uruguayo a comprende cu den ultimo decadanan, estado a causa “daño” na e ciudadanonan aki y p’esey lo compensa nan economicamente y lo garantisa un cuota pa nan contratacion den puesto di trabao publico, segun informacion di e semanario local Búsqueda.

E director di Promocion Sociocultural di e Ministerio di Desaroyo, Federico Graña, a afirma cu e  transsexualnan naci prome cu 1975 “tabata hinca den un situacion den cual mayoritariamente  tabata expulsa nan di nan nucleo familiar y e centronan educativo no tabata traha pa nan inclusion completo”.

Ademas entre 1973 y 1985, Uruguay tabata biba bao di un dictadura militar den cual e  transsexualnan tabata persigui pa polis y esaki a continua te por lo menos 1989.

E rechaso social a hiba nan na bandona nan cas tempran y, den mayoria di caso, nan a laga nan estudio tambe cu e resultado cu nan entrada ta minimo. Un transsexual mayor di 41 aña ta gana un promedio di 3.700 peso Uruguayo pa luna, como 120 Euro, segun datonan di  gobierno.

Graña ta splica cu esey ta pasa pasobra pa e falta di oportunidad laboral “nan unico posibilidad laboral” ta den “comercio sexual” y “ora edad ta aumenta nan ta menos obheto di deseo den e mercado ey y por lo tanto nan entradanan ta baha.”

E solucion cu gobierno a haya ta establece pa ley cu 1% di e contratacionnan nobo di tur organismo di estado metser ta persona trans. Tambe ta fomenta e procesonan di hormonisacion y e operacionnan di cambio di sexo.

 

You May Also Like

Retironan na InselAir den recta final

E proceso pa retira un grupo di trahado di InselAir, ta den recta final. ...

Human Rights Watch a denuncia atake hudicial na Bolivia

E organisacion internacional Human Rights Watch a denuncia un ‘embestida’ contra e independencia di ...

Cada biaha e respaldo internacional pa Maduro ta bira menos

Gobierno di Nicolas Maduro a sufri un progresivo aislamento internacional,  pero ainda Maduro tin ...

Resultado eleccion na Honduras ainda no ta conoci

Tribunal Supremo Electoral di honduras a anuncia cu no lo tin otro boletin provisional ...

Venezuela: Estadonan Uni ta considera mas sancion

Gobierno di Estadonan Uni a sigui diasabra pasa di cerca e situacion na Venezuela, cu ...

Periodismo independiente ta keda un reto

WILLEMSTAD- Den un comunidad chikito manera Corsou ta dificil pa aspira pa periodismo completamente ...