Home Regional US Virgin Islands: 1.6 biyon dollar di ayudo despues di Irma y...

US Virgin Islands: 1.6 biyon dollar di ayudo despues di Irma y Maria

200

Departamento di Vivienda y Desaroyo Urbano (HUD) di Estadonan Uni a aproba 1.6 biyon dollar di ayudo pa apoya recuperacion a largo plaso na US Virgin Islands despues di e horcannan Maria y Irma.

E fondonan aki ta suministra a traves di HUD su programa ‘Community Development Block Grant – Disaster Recovery (CDBG-DR) y ta intenciona pa reconstrui vivienda, negoshi y infrastructura critico, cu a keda seriamente afecta.

“Ta bisto cu tin un cantidad di estado y comunidad local cu ta luchando ainda cu recuperacion di un variedad di desaster natural cu a tuma luga den ultimo tres aña”, Secretario di HUD, Ben Carson, a bisa. “E donacionnan aki lo yuda reconstrui comunidadnan impacta pa calamidad den pasado, y tambe lo duna proteccion na nan contra calamidad den futuro.”

Gobernador Kenneth Mapp  a bisa: “Shete luna pasa dos horcan di categoria 5 a dal nos, dentro di 12 dia, causando daño catastrofal den henter nos teritorio. E tormentanan aki a devasta nos red di distribucion di coriente y a causa daño severo na nos hospital, nos scol, nos careteranan como tambe na miles di vivienda y negoshi.”

“E  $1.6 biyon di donacion bao di CDBG-DR cu HUD a compromete pa US Virgin Islands ta permiti nos continua cu reconstrui nos infrastructura y ta duna e flexibilidad pa crea un sistema di distribucion di energia mas resistente cu ta menos vulnerabel pa tormenta den futuro.”

Fondonan di CDBG-DR ta apoya un variedad di actividad di recuperacion di calamidad incluyendo redesaroya y reconstrui vivienda, asistencia na negoshi, revitalisacion economico, y reparacion di infrastructura. E recipientenan di e fondonan ta obliga di uza mayoria di e fondonan di recuperacion den e areanan mas impacta, manera identifica pa HUD. HUD lo emiti criterio pa esaki a corto plaso y lo provee apoyo tecnico substancial pa e uzo di e fondonan aki pa atende necesidadnan a largo plaso di e beneficiarionan, particularmente den e area di recuperacion di vivienda.

Funcionarionan di planificacion di US Virgin Islands, hunto cu ciudadanonan, lo desaroya awor un plan di recuperacion di calamidad, pa identifica con lo usa e fondonan aki, cu ta destina pa satisface necesidadnan local, cu decision critico den man di e ciudadan

(fuente: CaribbeanNewsNow)