(AP) – Usher y su partner di hopi tempo caba Jenn Goicoechea a casa na Las Vegas oranan despues cu e celebridad a duna su presentacion na Super Bowl Halftime Show, segun oficialnan y documentonan. E persona cu a casa e pareha ta conoci pa su vestuario y imitacion di Elvis Presley.
E pareha a casa diadomingo na Vegas Weddings, segun e certificado di matrimonio cu a ser haci publico dialuna. E ceremonia a ser duna pa Rev. Ronald Joseph Polrywka, miho conoci localmente como Ron DeCar. Testigonan a inclui Jonetta Patton, Usher su mama. “Pabien na e recien casanan!” doño di e kapel Melody Willis-Williams a bisa den un declaracion. “Nos tabata sumamente contento di anfitriona e dia epico aki pa Usher y su casa! Aunke nos ta stima amor, esaki ta e pareha su noticia pa comparti y duna cualkier detaye. Semper nos ta Usher su fanaticonan! Yeah!”
Usher, di 45 aña di edad y Goicoechea di 40 aña di edad tin desde aña 2019 hunto y tin 2 yiu muhe. Un representante di Usher, Lydia Kanuga, a provee un declaracion riba diamars, confirmando e matrimonio. “Usher y Jennifer a tuma e siguiente paso den nan relacion y a casa diadomingo na Las Vegas rondona pa amigonan cercano y familiarnan,” el a informa. “Ambos ta emociona pa sigui cria nan yiunan hunto rondona pa amor y ta duna danki na tur hende pa e bon deseonan.”
DeCar no a responde na peticion di informacin adicional cu su publicista informando cu DeCar ta nenga duna comentario. “Naturalmente nan a casa na Las Vegas,” Goya a comenta. “Cua luga por ta miho cu e ‘Capital di Matrimonio den Mundo?”
E docuento haci publico riba diahuebs ta nombra e pareha su nombernan completo, Usher Raymond IV y Jennier Jean Goicoechea. Esaki ta nota cu Usher tabata casa anteriormente mientras cu Goicoechea no.
