Luna pasa Departamento di Salud a informa cu pa motibo di demanda halto e vacuna contra Keintura Geel (gele koorts) a caba. Awor nan ta obtenibel atrobe.
Esaki e departamento ta laga sa. Por haya e vacuna na Seccion di Malesanan Contagioso . Orarionan cu por pasa pa laga aplica e vacuna ta di dialuna pa diabierna di mainta 7:45-11:45 y atardi di 1:15-3:30. Gasto: 31 florin.
“Ta hopi importante pa personanan cu ta bayendo cu vakantie informa si nan destinacion ta exigi e vacuna aki”, segun Departamento di Salud. Mundialmente tin un scarsedad di vacuna contra Keintura Geel y tambe e demanda ta subi. Motibo ta cu diferente pais tin esaki como exigencia pa drenta e pais. Na Aruba e demanda tambe ta halto, sigur awor den temporada di vakantie.
