(AP) — Un grupo di studiante Hulandes a reimagina ‘van life’ [red: unda ta biba y biaha den un van] y ta subiendo caminda pa Portugal. Pero no yama nan vehiculo solar vanguardista un campervan.

“Nos ta yam’e un cas auto-sostenible riba wiel”, segun Lotte van Dasler, parti di un team di Universidad Tecnico na Eindhoven. “Nos ta independiente pa loke ta energia. Un campervan no ta, y nos si. Pues mi ta kere nos a haci algo nobo. Concepto nobo, idea nobo, y futuro nobo – futuro sostenible.

E cas mobil a haci un biahe di test riba diasabra na e facilidad Renault pafo di Paris.

Panelnan solar riba e dak di e vehiculo, yama Stella Vita, ta genera suficiente energia pa core y pa biba sin conecta na coriente. Su sistema di informacion abordo ta mustra con hopi di e energia aki bo ta usa ora di cushina, baña of wak television.

“Mi ta kere e ta tremendo pasobra si bo ta na altura di bo consumo di energia, bo por haci miho escogencianan y usa menos energia”, segun miembro di e team, Tijn ter Horst.

E team di studiante ta bisa cu, den un dia cu solo, e van por biaha 730 kilometer na un velocidad maximo di 120 kph. Y danki na su bateria di 60 Kwh por core 600 kilometer den anochi.

Unabes e ta parkeer y ta desdobla e dak, e tin 17.5 m2 di panel solar – casi mesun hopi cu loke e dak di un cas averahe por acomoda. Pa mustra esaki, nan ta coriendo 3mil kilometer na e ciudad mas sur di Spaña, Tarifa.

E road trip experimental tabatin un comienso menos cu perfecto, cu problemanan den e drive train nificando cu a transporta Stella Vita for di Eindhoven na Brussels riba trailer, y for di e capital Belga na Paris.

Na e test drive diabierna cerca di Paris, project manager Laura van Houtum a bisa: “Nos djis kier core e kilometernan pa sigura cu e problemanan chikito aki no ta bay presenta atrobe.” Pero e creadornan ta sigur cu nan cas mobil ta parti di un empuhe pa combati cambio di clima door di usa fuentenan di energia renobable. “Nos kier mustra cu e futuro cu nos ta pensa cu ta 10 aña nos dilanti, ya a yega”, Van Dasler a bisa.

LEAVE A REPLY

Please enter your comment!
Please enter your name here