(NLTimes) – Municipalidadnan ta preparando pa un fluho nobo di refugiadonan di Ucrania, no for di Ucrania mes sino di e famianan cu a habri nan porta na Hulanda mes.

Nan kier stop di hospeda e refugiadonan na nan cas, den varios caso, pa motibo di e temporada di vakantie cu ta binidero y nan no kier laga e refugiadonan nan so den nan hogar. “E mascotanan ta bay un centro cu ta cuida nan, y e refugiadonan mester bay e Shelter, si, esaki ta e cruel realidad,” un di esunnan involucra a expresa.

Den e region Brabant-Zuidoost, mas o menos 800 persona di Ucrania actualmente ta bibando cu famianan cu ta hospeda nan. Posiblemente nan lo mester bolbe na un shelter oficial den e simannan binidero.

“E residentenan di Hulanda a habri nan curason y nan casnan sin realisa e impacto cu esaki tin,” e region di siguridad a splica. “E temporada feliz a caba, awo nos ta ricibiendo un gran fluho di persona pa motibo cu hopi ta bisa ‘mi ta bay riba vakantie y mi no kier pa nan keda nan so den mi cas.’ Algun di nan ta realmente djis baha e refugiadonan na e shelter.”

Casi 1,200 refugiado di Ucrania actualmente ta kedando cu individuonan priva na Central y West Brabant. Segun un vocero, ya caba tin famianan cu ta puntrando si e refugiadonan por ser ricibi pa e municipalidad durante e siguiente periodo. E no sa te ainda cuanto persona ta involucra, “pero e no ta importa.” Municipalidadnan no ta haciendo espacio disponibel pa e refugiadonan aki, pero nan ta tumando nan yegada na cuenta den e simannan binidero.

Den e regionnan di Zuid-Limburg y Utrecht, refugiadonan tambe ta ser manda di localidadnan di vivienda priva na shelternan municipal. “E cantidadnan ta chikito,” segun Zuid-Limburg. E region di Kennemerland no ta mantene un record di e cantidad di refugiadonan regresando e shelternan. Un porcentahe di e shelternan municipal ta reserva pa e refugiadonan cu lo bini for di e viviendanan priva aki. E cantidad ta diferente pa cada municipalidad, “pa motibo cu e ta rekeri un trato unico.” Shelternan municipal na e region Brabant-Noord tambe ta reservando espacio pa e refugiadonan aki.

LEAVE A REPLY

Please enter your comment!
Please enter your name here