(ElNacional) – Al menos 500 organisacion di sociedad civil y 250 persona ta rechasa e proyecto di Ley di Cooperacion Internacional considerando cu su aprobacion lo tin consecuencia devastador pa e personanan den situacionnan mas vulnerabel.

“Cu e proyecto aki di ley, ta busca pa interpreta e definicion di cooperacion internacional pa e interesnan ideologico, politico y/of economico di e gobierno nacional, lagando afo conceptonan esencial manera derechonan humano y ayudo humanitario”, un parti di e comunicado publica diaranson ta bisa.

Nan a señala cu e ley aki tin ademas e intencion di controla y castiga tur persona of organisacion cu no tene nan mes na su interpretacion, locual ta abarca henter e sociedad civil nacional y e organisacionnan internacional.

“Incluyendo e posibilidad di laga sin efecto e obligacion- y compromisonan di e Estado den acuerdo cu organismonan internacional di cooperacion, den caso cu no adapta na e meta di e proyecto di ley”, e texto a agrega.

Ademas, nan a bisa den e comunicado, e ta viola tur e garantianan di proteccion di derechonan di e asociacionnan y nan poblacionnan beneficia.

“E proyecto ta crea un sistema di sancion nobo specificamente dirigi na e sociedad civil nacional, cu e poder di prohibi, suspende, restringui of elimina definitivamente cualkier asociacion cu ta wordo considera di participa of promove di forma directo actividadnan contrario na e interesnan di gobierno, estableciendo evaluacionnan cu ta determina e aplicacionnan di e sancionnan aki”.

Nan a destaca cu for di e sociedad civil Venezolano nan a realisa diferente propuestanan na e Ehecutivo pa mehora y controla e procesonan di cooperacion internacional, pero nan a ricibi un contesta oportuno pa genera mecanismonan cu realmente lo facilita e trabou y tin entro como centro di nan obhetivo e personanan cu necesidad.

LEAVE A REPLY

Please enter your comment!
Please enter your name here