(ElNacional) – Despues di e yegada di coronavirus, e aerolineanan nacional a haya nan mes obliga di suspende e vuelonan pa e parti interior di e pais. No obstante, Humberto Figuera, presidente ehecutivo di Asociacion de Lineas Areas de Venezuela (ALAV), a sigura cu ya nan a reactiva e rutanan cu nan tabatin prome cu e pandemia.

“Ya e aerolineanan na nivel nacional ta atendiendo tur e destinonan cu nan tabatin prome cu e pandemia”, Figuera a comenta den un entrevista pa Canal I.

El a indica cu e sector aereo a wordo afecta pa e crisis economico na e pais y pa e motibo ey e frecuencia di e vuelonan nacional a disminui.

Cu e pandemia Figuera a considera cu e recuperacion den e contexto aki lo ta mas slow, sinembargo nan a presenta bon resultado. Pero, el a señala, cu ainda nan no ta ariba e mesun nivel cu añanan anterior.

Di otro banda el a menciona e interes di aerolineanan Europeo pa cuminsa back cu nan funcionamento na e nacion, algo cu lo ta beneficioso pa e sector.

“E aerolineanan Europeo tin interes pa bolbe Venezuela. Nos ta bibando un momento cu si nos probecha di dje nos ta bay logra un conectividad interesante cu mundo”, el a expresa.

Pa loke ta trata e empresanan aereo cu a mantene nan mes, el a comenta cu tabata trata di un ahuste den e metodo di cobramento di e ticketnan.

“Tin un hecho cu a haci nos compronde dicon algun aerolineanan a keda na e pais y esaki ta cu for di 2014 a permiti e cobramento den divisa”, el a bisa.

Por ultimo, el a resalta cu e aerolineanan nacional ta desea di crece y competi den igualdad di condicionnan cu nan contrincantenan stranhero.

LEAVE A REPLY

Please enter your comment!
Please enter your name here