Venezuela: Alto Comisionado pa Refugiado ta desmenti status di refugiado pa Venezolano

(Dolartoday.com) E representante di Alto Comisionado di Nacionnan Uni pa Refugiado (Acnur), Julio Roberto Meier a nenga cu su organisacion lo a duna e status di refugiado na migrantenan Venezolano, despues cu dia 11 di maart ultimo a difundi un comunicado di ‘orientacion tocante e fluho di persona’ di Venezuela pa otro nacionnan, cu hopi medio a interpreta como cierto.

Asina sr. Meier a manifesta na e periodista Madelein Garcia di Telesur, den cual el a aclara cu den e documento loke ta pidi na e demas nacionnan, unda e Venezolanonan ta yega, ta cu nan mester duna nan ‘proteccion y acceso na derechonan basico pa inmigrante’. El a recalca cu ta existi varios tipo di migrante na frontera entre Venezuela y Colombia, entre nan esunnan cu ta move segun ‘cos ta miho na e otro banda’. Riba pregunta di Telesur na sr. Meier, con lo e cualifica e Venezolanonan cu ta saliendo di e pais, el a contesta cu ‘nan ta migrante economico’.

“Esaki ta un documento pa tur e paisnan unda e Venezolanonan ta yegando, cu no mester discrimina nan, no mester ta suheto di actitud racista, xenofobico, y cu nan ta suheto di derecho. Ta pa recorda e gobiernonan cu nan mester responde di un forma adecua. E Venezolanonan no ta refugiado. Na e momentonan aki, 8 pa 9% ta trata di solicitud di refugiado di Venezolano, di e 80.000 cu nos ta maneha, y e casonan ey ta ser studia actualmente,” el a sigura.

Di otro banda, sr. Meier a recorda cu Acnur por traha solamente den un ‘canal humanitario’ si e gobierno solicita esey. Sr. Meier a insisti cu Venezuela a habri su portanan desde por lo menos 30 aña pasa pa e migrantenan Colombiano cu tabata huy di e conflicto arma cu tabata andando na Colombia cu e guerrilla, unda nan tabatin acceso na servicio, manera di salud y educacion ‘independientemente si tabatin documento o no’.

El a splica cu den e nota di orientacion ta enfatisa cu  ‘como Acnur nos ta spera proteccion legal pa tur inmigrante Venezolano, reciprocidad, acceso na documento, unidad familiar, libertad di circulacion, derechonan basico, garantisa di manera igualitario y sin discriminacion, di esey e nota ta trata’.

 

 

You May Also Like

Mexico: 23 curpa haya den tres luga na Xalisco, Nayarit

A haya 23 curpa, na tres luga di municipio Xalisco, den estado occidental Nayarit, ...

Informe a revela: crisis a haci mas di 12 mil Venezolano huy pa Brasil

Crisis economico y social na Venezuela a impulsa mas di 12 mil persona pa ...

Venezuela: Union Europeo cu mas sancion contra regimen

Siete funcionario di alto rango Venezolano lo por enfrenta sancion di Union Europeo desde ...

Produccion abou di refineria Isla: un impacto negativo di 500 miyon

WILLEMSTAD – Durante e ultimo dos aña e actividadnan comercial entre Corsou y Venezuela ...

Venezolano ta sobrevivi cu benta di biyete di 100 bolivar riba bus na Colombia

Tres amigo Venezolano cu a bandona Caracas siete luna pasa pa motibo di inseguridad, ...

Corsou: Personal di consul Venezolano na Corsou tin 5 luna sin pago

Diaranson ultimo empleadonan local di e Consulado di Republica Bolivariana di Venezuela na Corsou ...