Venezuela: Asamblea Nacional ta considera paga interes riba bono Pdvsa

Asamblea Nacional di Venezuela, controla pa un mayoria opositor, ta spera di por debati e siman aki e pago di interes di bono di e empresa estatal Pdvsa, di aproximadamente US$ 71 miyon, segun varios miembro di e parlamento y un miembro di e hunta transitorio di e empresa, cu na Venezuela ta bao control di gobierno di Nicolas Maduro ainda.

Cu e pago di interes riba e bono PDVSA 2020, ta trata di duna proteccion na Citgo, e filial di Pdvsa na Estadonan Uni y un di e principal activonan di Venezuela den exterior, di un posible embargo di su acreedornan.

Alejandro Grisanti, un economista nombra siman pasa den e hunta di Pdvsa pa Asamblea Nacional, a bisa cu nan tabata “haciendo tur esfuerso “ pa efectua e pago di e bononan, cu tin como garantia 50,1% di e accionnan di Citgo.

E presidente di Asamblea, Juan Guaido, a bisa na varios ocasion cu e strategia ta pa duna proteccion na e propiedadnan estatal den exterior.

“Nos ta trahando riba e decision”, Guaido a bisa Reuters diabierna pasa tocante e pago di e interes, cu tin como deadline dia 27 di april. Stalin Gonzalez, prome vice-presidente di Parlamento y Carlos Paparoni, diputado, a agrega cu e siman aki lo efectua e debate, pero no a precisa con e hunta ad hoc, cu ainda no ta controla e operacion di Pdvsa mes, tin pensa di haci e pago o cual fondo lo usa pa esaki.

Venezuela ta atrasa cu pago riba capital y interes di bono desde fin di 2017, pa un total di 8.000 miyon dollar. Despues di 27 di april e empresa tin ainda un luna di gracia pa paga.

 

You May Also Like

Accion ‘morocoy’ ta stroba proceso electoral na Venezuela

E diputado opositor Jony Rahal a denuncia cu na varios centro di votacion di ...

Welga general ta paralisa Nicaragua

Nicaragua a manece ayera cu un welga nacional, un protesta contra presidente Daniel Ortega, ...

Mexico: 23 curpa haya den tres luga na Xalisco, Nayarit

A haya 23 curpa, na tres luga di municipio Xalisco, den estado occidental Nayarit, ...

140807182821_sp_citgo_336x189_getty_nocredit.jpg

Merca cu excepcion di sancion pa facilita cobransa di garantia riba Citgo

Estadonan Uni a emiti diahuebs ultimo un excepcion riba e sancionnan contra e bononan ...

Video ta revela pago di 4 miyon dollar na campaña di presidente Peña Nieto

(Univision) Ciudad di Mexico – Luis Alberto De Meneses Weyll, ex-director di e empresa ...

Venezuela: Oposicion a logra drenta 800 ton di ayudo humanitario

E Coalicion Ayuda y Libertad Venezuela, crea pa Juan Guaido pa responde na e ...