(ElNacional) – Direccion General di Contrainteligencia Militar (DGCIM) a detene e babysitter na Spaña di e yiunan di Hugo Carvajal despues di a regresa Venezuela den un vuelo procedente di Madrid, e medio Spaño ABC a revela.

E organismo militar a detene tambe un primo di Angelica Flores, casa di e ex-funcionario Venezolano. Tur dos a yega Venezuela dia 3 di november y ta acusa nan di conspira pa atenta contra eleccionnan di alcalde-, y gobernadornan.

A cualifica e acusacion aki como ficticio di parti di e circulo di Carvajal y interpreta manera un maniobra di presion pa e ex-hefe di inteligencia stop di colabora cu husticia na Spaña, unda e ta deteni y ta cerca di wordo extradita pa Merca.

Un documento interno, na cual ABC tabatin acceso, a indica cu Gabriela, di 21 aña di edad, a yega hunto cu Bruno, di 26, den un vuelo di Turkish Airlines na Aeropuerto Internacional Simon Bolivar di Maiquetia, na estado Vargas. Nan tabatin 6 maleta en total.

E funcionarionan di Migracion a stop nan pasobra supuestamente nan tabatin un actitud nervioso. Esey tabata prome biaha cu tur dos tabata regresa Venezuela desde detencion di Carvajal na Spaña. E oficialnan a registra e ekipahe y supuestamente nan a haya documentonan di manera scondi.

Nan a confisca, ademas, nuebe telefon celular, cu e detenidonan a alega, tabata pa regala. Den e supuesto documentonan cu autoridadnan a haya tabatin instruccionnan skirbi pa Gabriela y Bruno y un mapa cu puntonan marca.

 

LEAVE A REPLY

Please enter your comment!
Please enter your name here