(LaPatilla) – Subsidio y corupcion ta bay man den man. Esey ta locual a pasa na Venezuela door di mantene un prijs hopi mas abao di e mercado internacional of bao di costonan di produccion di combustibel.

Analistanan ta señala cu e tiki supervision y control den e procesonan di comercialisacion y distribucion, ta sigui genera contrabanda di gasolin y di diesel. Pero, na mesun momento, lagando ingresonan halto pa esunnan involucra, hopi di nan integrantenan di e Fuerza Armada Nacional.

Na januari di 2021 e regimen di Nicolas Maduro a pone den marcha e operativo “Mano de Hierro” pa combati e mafianan di combustibel, sinembargo, e resultadonan te cu e fecha di awe ta hopi pober, di acuerdo cu analistanan cu a participa den e forum “Escasez de combustible con mano de hierro”, organisa pa e organisacion no gubernamnetal Transparencia Venezuela y e Conseho Ciudadano pa e Combustibel.

Pa Rocio San Miguel, presidente di Control Ciudadano, ta sostene cu tur cos relaciona cu e maneho di combustibel a wordo aplica cu man di seda.

E ta resalta cu e operativo “Mano de hierro” a wordo anuncia pa caba cu e mafianan di combustibel y narcotrafico, pero despues di tempo mester puntra si a elimina e deltitonan aki of si e mafianan di combustibel a consolida nan mes den e structuranan di poder y Estado.

“E operativo aki a debilita pasobra den e casonan di eliminacion di funcionarionan militar pasobra a demostra cu nan a comete algun delito, e sancionnan no ta conoci y mucho menos e procedimentonan”, San Miguel a apunta.

LEAVE A REPLY

Please enter your comment!
Please enter your name here